კატეგორიები

სპორტის განვითარება აჭარისთვის ერთ-ერთ მნიშვნელოვან მიმართულებად დასახელდა

სპორტის განვითარებას აჭარისთვის ერთ-ერთ მნიშვნელოვან მიმართულებად ასახელებს მთავრობის თავმჯდომარე, ზურაბ პატარაძე. 

მისი შეფასებით, სპორტის განვითარება აჭარაში არამარტო ჯანსაღი თაობის აღზრდის თვალსაზრისით, არამედ სპორტული ტურიზმის განვითარების კუთხითაც არის მნიშვნელოვანი.


"საზოგადოების მაღალი ინტერესებიდან გამომდინარე გვსურს გამოვეხმაუროთ სპორტის განვითარების თემას აჭარაში.ჩვენი სპორტსმენები სხვადასხვა სპორტულ სახეობებში მოწინავე ადგილზე არიან როგორც ქართველ, ასევე უცხოელ სპორტსმენებს შორის, იმარჯვებენ სხვადასხვა ადგილობრივ თუ საერთაშორისო ტურნირებში.ამიტომაც ადგილობრივი ხელისუფლების პრიორიტეტებში სპორტს ერთ-ერთი მთავარი ადგილი უჭირავს.ასევე მნიშვნელოვანია სპორტული ტურიზმის განვითარებაც.რეგიონის ხელმძღვანელობას აქვს პრეტენზია და სურვილი იმისა, რომ ჩვენმა რეგიონმა და ქალაქმა არაერთ საერთაშორისო დონის სპორტულ ღონისძიებას უმასპინძლოს",-აცხადებს პატარაძე.  


მისივე შეფასებით,სპორტის განვითარების ხელშეწყობის მიზნით რეგიონში რამდენიმე მასშტაბური პროექტის განხორციელება უკვე მიმდინარეობს.


"ამ ეტაპზე ბათუმში, ყინულის სასახლის მიმდებარედ, დაწყებულია მულტიფუნქციური სპორტის სასახლის კომპლექსის მშენებლობა, რომლის დარბაზები ჯამში 3100 მაყურებელზე იქნება გათვლილი.სპორტული ცენტრის მშენებლობა მიმდინარე წლის აგვისტოში დასრულდება და ობიექტი წელსვე უმასპინძლებს ევროპის ჩემპიონატს ხელბურთში.გარდა ამისა, რეგიონი ემზადება ჭადრაკის მსოფლიო ოლიმპიადისთვის, რომელსაც 2018 წელს ბათუმი უმასპინძლებს.
რაც შეეხება სასპორტო სკოლას, რომლის ირგვლივ ბოლო პერიოდში არაერთგვაროვანი შეფასებები გავრცელდა, კიდევ ერთხელ ხაზგასმით აღვნიშნავთ, რომ სკოლის ადმინისტრაციული, ე.წ ბასკოს შენობა არ არის პრივატიზებული (მისი გასხვისება არც სამომავლოდ იგეგმება), ის არ ექვემდებარება დემონტაჟს და ჩვეულ რეჟიმში განაგრძობს ფუნქციონირებას",-აცხადებს აჭარის მთავრობის თავმჯდომარე.


მისივე ინფორმაციით, აჭარის ა.რ. ფინანსთა და ეკონომიკის სამინისტრომ ინვესტორ კომპანიაზე გაასხვისა სასპორტო სკოლის უკან არსებული ორი სპორტული დარბაზის ტერიტორია.სანაცვლოდ კი სახელმწიფო იღებს ვალდებულებას, რომ ლეონიძის ქუჩაზე ახალი თანამედროვე სტანდარტების სპორტული კომპლექსი ააშენოს. 


ახალ კომპლექსში, პრივატიზებულ ორ ფლიგელში სხვადასხვა სექციაში მოღვაწე სპორტსმენები გააგრძელებენ საქმიანობას.მთავრობის გადაწყვეტილებით, ქალაქში უკვე ათწლეულების განმავლობაში არსებული კიდევ ერთი პრობლემა მოგვარდება: ლეონიძის ქუჩაზე ახალ სპორტულ ცენტრში საცურაო აუზიც აშენდება, სადაც სინქრონული ცურვისა და წყალბურთის სექციები დაიდებენ ბინას, რაც სპორტის ამ სახეობების განვითარებას შეუწყობს ხელს.  

მშენებლობისთვის აუცილებელი პროცედურები დაწყებულია. აჭარის ფინანსთა და ეკონომიკის სამინისტროში უკვე არსებობს შენობის პირველადი პროექტი, რომელიც საბოლოო სახეს უახლოეს პერიოდში, დარგის სპეციალისტებთან კონსულტაციების შემდეგ მიიღებს. საპროექტო სამუშაოების დასრულების შემდეგ პროექტის შესყიდვისა და მშენებელი კომპანიის გამოსავლენად შესარჩევი ტენდერები გამოცხადდება, რის შემდეგაც უკვე სამშენებლო სამუშაოები დაიწყება".


რაც შეეხება სპორტის იმ სექციებს, რომლებიც დემონტაჟს დაქვემდებარებულ ორ დარბაზში გადიან წვრთნებს, პატარაძე აცხადებს, რომ ვიდრე არ მოხდება სპორტსმენების დროებით ალტერნატიულ ფართში განთავსება, სექციების ტექნიკურად სრულად გამართვა, საშხაპეებისა და გამოსაცვლელების სრული აღჭურვა, შენობების დემონტაჟი არ განხორციელდება. 


"ლეონიძის ქუჩაზე ახალი სპორტული ცენტრის აშენებამდე კი სპორტსმენების სხვა შენობებში განთავსების ხარჯებს შპს "ორბი ჯგუფი“ 18 თვის განმავლობაში დაფარავს. აღნიშნული საკითხი უკვე გაწერილია კომპანიასთან გაფორმებული ხელშეკრულების პირობებში, რომლის მიხედვითაც ბათუმში უპრეცედენტოდ დიდი ინვესტიციის განხორციელება იწყება. საუბარია ჯამში 350 მლნ. ლარამდე ღირებულების მასშტაბურ პროექტზე, რომლითაც 1000-ზე მეტი მუდმივი ახალი სამუშაო და 4500-ზე მეტი განთავსების ადგილი გაჩნდება ქალაქში.პროექტი ბათუმში პირველი ქვეითად მოსიარულეთა ხიდის მშენებლობასაც ითვალისწინებს, რაშიც 1 500 000 ლარის ინვესტიცია განხორციელდება. ხიდი, გარდა იმისა, რომ მოძრაობას განტვირთავს, ქალაქის ზღვისპირა ნაწილს კიდევ უფრო გაალამაზებს.ხელშეკრულების პირობების თანახმად, ინვესტორი ასევე 10 მეტრი სიგანის ახალი საავტომობილო გზის მოწყობას უზრუნველყოფს, რომელიც გმირთა ხეივანს დავით ხახუტაიშვილის ქუჩასთან დააკავშირებს. საავტომობილო გზა გარე განათებით აღიჭურვება".

 

კომპანია ასევე იღებს ვალდებულებას ტერიტორიაზე რეკრეაციული ზონა მოაწყოს. პროექტი ასევე სასტუმროს, სპორტულ-გამაჯანსაღებელი ცენტრის, ღია სპორტული მოედნის, საგამოფენო დარბაზის, რესტორნების, კაფეების და ბავშვთა გასართობი ცენტრის მშენებლობას ითვალისწინებს.


სპორტის ხელშეწყობის მიზნით, აჭარაში კიდევ ერთი მასშტაბური პროექტის განხორციელების პროცედურები მიმდინარეობს.საუბარია წმინდა საფეხბურთო ტიპის საერთაშორისო დონის სტადიონის მშენებლობაზე, რომელიც 20 000 მაყურებელზე იქნება გათვლილი და უეფას მე-4 კატეგორიის სტანდარტებს დააკმაყოფილებს.გარდა სპორტული მნიშვნელობისა, პროექტს უდიდესი ეკონომიკური დატვირთვა აქვს. სპორტულ ჩემპიონატებთან ერთად, სამომავლოდ ტერიტორიაზე სხვადასხვა კულტურული ღონისძიების ჩატარება იქნება შესაძლებელი, რაც ქალაქის აღნიშნულ ნაწილს კიდევ უფრო განავითარებს.


"სრულად ვაცნობიერებთ, რომ ამ მოცულობის ინვესტიცია რეგიონის განვითარებისთვის უმნიშვნელოვანესია, თუმცა ეს არ ნიშნავს იმას, რომ ინვესტიციის ხარჯზე უნდა იზარალოს რომელიმე სპორტსმენმა თუ ზოგადად რეგიონის სპორტმა.კიდევ ერთხელ ხაზგასმით აღვნიშნავთ, რომ სპორტი ჩვენი ხელისუფლებისათვის ერთ-ერთი პრიორიტეტული მიმართულებაა და ჩვენ ძალისხმევას არ დავიშურებთ ამ დარგის განვითარებისათვის. რეგიონის ხელისუფლება მომავალშიც ყველაფერს გააკეთებს იმისათვის, რომ სპორტი კიდევ უფრო განვითარდეს და ამ სფეროში დასაქმებულმა ადამიანებმა და სპორტსმენებმა ღირსეულ პირობებში გააგრძელონ ვარჯიში, მიიღონ მონაწილეობა სხვადასხვა ტიპის შეჯიბრებებსა თუ ჩემპიონატებში და უფრო ასახელონ ჩვენი რეგიონი და ქვეყანა",-განაცხადა აჭარის მთავრობის თავმჯდომარემ. 



საქართველოს პრემიერი და გერმანიის კანცლერი სხვადასხვა სფეროში არსებულ საკითხებს განიხილავენ

"საქართველოს პრემიერ-მინისტრი გიორგი კვირიკაშვილი და გერმანიის ფედერალური კანცლერი ანგელა მერკელი ბერლინში ხვალინდელი შეხვედრისას, ორ ქვეყანას შორის სხვადასხვა სფეროში არსებულ ურთიერთობებზე ისაუბრებენ".

თავდაცვის მინისტრმა Invictus Games-ში გამარჯვებულები დააჯილდოვა

საერთაშორისო პარაოლიმპიური ტიპის სპორტული თამაშების „Invictus Games“ ორგანიზატორების თხოვნით, თავდაცვის მინისტრმა 100-მეტრიან დისტანციაზე მსუბუქ ათლეტიზმში გამარჯვებული კანადელი და ავსტრალიელი სპორტსმენები დააჯილდოვა.

ლევან დავითაშვილი ვაზისუბნის მე-2 მიკრორაიონში ამომრჩევლებს შეხვდა

"ქართული ოცნება დემოკრატიული საქართველოს" ისნის მაჟორიტარობის კანდიდატი ლევან დავითაშვილი ვაზისუბნის დასახლების მე-2 მიკრორაიონის მე-20 კორპუსში მცხოვრებ მოსახლეობას შეხვდა.

განათლების მინისტრის მოადგილე ქუთაისში გამართულ სამეცნიერო პიკნიკს დაესწრება

საქართველოს განათლებისა და მეცნიერების მინისტრის მოადგილე თეიმურაზ მურღულია „მეცნიერებისა და ინოვაციების ფესტივალის“ ფარგლებში, 27 სექტემბერს, 15:00 საათზე,  ქუთაისში გამართულ სამეცნიერო პიკნიკს დაესწრება. 

2018 წლის ოლიმპიადიდან რუსეთის ჩამოშორებას უკვე 36 ქვეყანა ითხოვს

2018 წლის ზამთრის ოლიმპიურ თამაშებზე რუსეთის ჩამოშორებას უკვე 36 ქვეყნის ანტისადოპინგო სამსახური ითხოვს.

პოლიტოლოგის განცხადებით, რუსეთი საქართველოს დესტაბილიზაციის კერად წარმოჩენას ცდილობს

ნიკა ჩიტაძე რუსეთის მიერ  ნატოს საქართველოში გააქტიურებასთან და დესტაბილიზაციის საფრთხესთან დაკავშირებით დღეს გაკეთებული განცხადება საინფორმაციო ომის ნაწილი უფრო იყო, ვიდრე მუქარის შემცველი.

მერია დიღმის პარკში ხეების მოჭრის ბრალდებას ცილისწამებას უწოდებს

თბილისისი მერია “ნაციონალური მოძრაობის” დიდუბის მაჟორიტარი კანდიდატის გივი კუბლაშვილისგანცხადებას დიღმის ტყე-პარკში ხეების მოჭრის შესახებ  “ნაციონალური მოძრაობის” ბინძურ პიარ კამპანიას უწოდებს.

ნიკოლოზ ბარათაშვილისადმი მიძღვნილ სიმპოზიუმს 17 ქვეყნის 130 მეცნიერი დაესწრება  

UNESCO-ს ღონისძიებათა ფარგლებში, თბილისის სახელმწიფო  უნივერსიტეტის შოთა რუსთაველის სახელობის ქართული ლიტერატურის ინსტიტუტში, ნიკოლოზ ბარათაშვილის 200 წლის იუბილისადმი მიძღვნილი საერთაშორისო სიმპოზიუმი გაიმართება. 

დეპუტატის განცხადებით, ადამიანის ღირსება სახელმწიფოსთვის უმთავრესი პრიორიტეტია

ადამიანის უფლებათა დაცვის კომიტეტის თავმჯდომარის სოფო კილაძის განცხადებით, კონსტიტუციაში ადამიანის უფლებათა თავში პირველ მუხლად განისაზღვრა ადამიანის ღირსება , რაც მიანიშნებს, რომ ის სახელმწიფოსთვის უმთავრესი პრიორიტეტია.

რომან კაკულია: გამოიკვეთა სასოფლო-სამეურნეო მიწის საკუთრებაზე საქართველოს მოქალაქეების როლი

დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას თქმით, კონსტიტუციაში გამოიკვეთა სასოფლო-სამეურნეო მიწის საკუთრებაზე საქართველოს მოქალაქეების როლი.

ირაკლი სესიაშვილის თქმით, ახალი კონსტიტუცია მოქალაქეების თავდაცვის ძლიერ სისტემას აყალიბებს

თელავის მაჟორიტარი დეპუტატის ირაკლი სესიაშვილის განცხადებით, კონსტიტუციის ახალი რედაქციით უზრუნველყოფილი და განმტკიცებულია თავდაცვისა და უსაფრთხოების სექტორის, დემოკრატიული კონტროლის მაღალი სტანდარტი. 

მიხეილ ყაველაშვილი: სპორტი უნდა იდგას ძლიერ სამართლებრივ საფუძველზე

დეპუტატ მიხეილ ყაველაშვილის თქმით, ფიზიკური აღზრდისა და სპორტის განვითარებაზე სახელმწიფოს ზრუნვის მიზანი არის გრძელვადიანი და შედეგზე ორიენტირებული. სპორტი უნდა იდგას ძლიერ სამართლებრივ საფუძველზე.

ბათუმში კონფერენცია „არგუს კასპიის-შავი ზღვის სატრანსპორტო დერეფანი 2017“  ჩატარდა

ბათუმში მე-4 საერთაშორისო კონფერენცია „არგუს კასპიისა და შავი ზღვების სატრანსპორტო დერეფანი 2017“ გაიმართა.

ზვიად კვაჭანტირაძე: ახალი კონსტიტუცია საქართველოს მოქალაქეების პოლიტიკურ უფლებებს დაიცავს

პოლიტიკური საბჭოს წევრის ზვიად კვაჭანტირაძის განცხადებით, კონსტიტუციის ახალი რედაქციით დარეგულირდა უცხოეთში მცხოვრები თანამემამულეების სამშობლოსთან კავშირის შენარჩუნებისა და განვითარების საკითხი.

კახა კუჭავას თქმით, კონსტიტუციის ახალი რედაქციით პრიორიტეტული ხდება გარემოს დაცვის უფლება

საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარის კახა კუჭავას განცხადებით, კონსტიტუციის ახალი რედაქციით პრიორიტეტული ხდება გარემოს დაცვის უფლება და ინფორმაციაზე თავისუფალი წვდომა.

პროკურატურამ საქველმოქმედო გამოფენას უმასპინძლა

მთავარმა პროკურატურამ ფსიქოთერაპიისა და ფსიქორეაბილიტაციის დღის ცენტრის „კერას“ ხელნაკეთი ნივთების გამოფენა-გაყიდვას უმასპინძლა.

გრიგოლ ლილუაშვილი: კონსტიტუციაში განმტკიცდა თვითმმართველობების განვითარების საკითხი

დეპუტატ გრიგოლ ლილუაშვილის განცხადებით, კონსტიტუციაში განმტკიცდა ადგილობრივი თვითმმართველობების განვითარებისა და დეცენტრალიზაციის საკითხი. 

ეროვნული ბანკი მოსახლეობას აფრთხილებს

ეროვნული ბანკის განცხადებით, ინტერნეტსივრცეში - http://ubani.ge/ გავრცელდა ფასიანი ქაღალდების შეთავაზების განცხადება, რომელზე დატანილი ინფორმაციაც არ შეესაბამება "ფასიანი ქაღალდების ბაზრის შესახებ" კანონის მოთხოვნებს.

ბოლნისში ენტეროვირუსის გამო 12 საბავშვო ბაღი დაიხურა

ბოლნისში ენტეროვირუსის გავრცელების გამო, პრევენციის მიზნით თორმეტმა საბავშვო ბაღმა მუშაობა დროებით შეაჩერა.

დაბა კაზრეთში მინიფეხბურთის ტურნირი "არემჯის თასი 2017" გაიმართა

დაბა კაზრეთში გუშინ სტარტი აიღო კომპანია "არემჯის" ტრადიციულმა ტურნირმა მინიფეხბურთში, რომელიც წელს მეოთხედ ჩატარდა.

საქართველოს პარლამენტმა ახალი კონსტიტუცია მიიღო

საქართველოს პარლამენტმა ახალი კონსტიტუცია მესამე მოსმენით მიიღო. რეგისტრაცია 119 დეპუტატმა გაიარა, საიდანაც 117-მა ხმა მისცა ახალ კონსტიტუციას.