კონფლიქტები

ოკუპირებულ აფხაზეთში ორკვირიანი კარანტინი გამოცხადდა

ოკუპირებული აფხაზეთი
16:16 25.03
დაკოპირებულია

ოკუპირებულ აფხაზეთში ე.წ. პრეზიდენტობის მოვალეობის შემსრულებლის ვალერი ბგანბას განკარგულებით, კორონავირუსის გამო ორი კვირის განმავლობაში დამატებითი შეზღუდვები იმოქმედებს.

25 მარტიდან 7 აპრილამდე აფხაზეთში იკრძალება მასობრივი ღონისძიებების ჩატარება, დროებით იხურება სპორტული და ფიტნეს დარბაზები, ასევე სილამაზის სალონები.

ამავე განკარგულებით, ოკუპირებულ აფხაზეთში შესვლა ეკრძალებათ "უცხოეთის მოქალაქეებს და აფხაზეთის მოქალაქეობის არმქონე პირებს, რომლებიც ექსკურსიის ჩატარების ან ტურისტული მიზნით აპირებენ რესპუბლიკაში შესვლას".

კარანტინის განმავლობაში შეჩერდება საზოგადოებრივი კვების ობიექტების მოქმედება, საზოგადოებრივი (შიდასაქალაქო, საქალაქთაშორისო ტრანსპორტის მოძრაობა), ტაქსის გარდა.

გარდა ამისა, საგანგებო სიტუაციების სამინისტროს დაევალა "აფხაზურ - რუსულ" საზღვართან განთავსებულ საკონტროლო - გამშვებ პუნქტთან 24 - საათიანი მორიგეობის დაწესება.

დე ფაქტო რესპუბლიკის ე.წ. ჯანდაცვის სამინისტროს დაევალა მოსახლეობას მიაწოდოს სრული ინფორმაცია კორონავირუსის პრევენციის შესახებ. მუშაობის საგანგებო რეჟიმზე გადადიან სასწრაფო დახმარების ბრიგადები და იგეგმება სამედიცინო პერსონალის გადამზადება. ასევე, სანიტარულ - ეპიდემიოლოგიური ზედამხედველობის დაწესება სავაჭრო ობიექტებზე, სასტუმროებსა, და ლაბორატორიებზე. საჯარო სამსახურებს, საწარმოებს და ორგანიზაციებს მიეცათ რეკომენდაცია დისტანციური მუშაობის რეჟიმზე გადასვლის შესახებ.

გარდა ამისა, სწავლის პროცესი 7 აპრილამდე შეწყვეტილია სკოლებსა და სკოლამდელ სააღმზრდელო დაწესებულებებში, ასევე უმაღლეს სასწავლებლებში.

დე ფაქტო "მთავრობამ " მოუწოდა სავაჭრო ობიექტებსა და მეწარმეებს, არ დაუშვან ფასების ზრდა კვების და საბავშვო პროდუქტებზე, მედიკამენტებზე, სამედიცინო აღჭურვილობაზე, სადეზინფექციო და პირადი ჰიგიენის საშუალებებზე.

აფხაზური მედიის მონაცემებით, 22 მარტის მონაცემებით ოკუპირებულ აფხაზეთში კორონავირუსის არცერთი შემთხვევა არ დაფიქსირებულა.

ამავე დროს, დე ფაქტო რესპუბლიკის მთავარმა სანიტარულმა ექიმმა ლუდმილა სკორიკმა განმარტა, რომ სანიტარულ - ეპიდემიოლოგიური სამსახური ვერ აიღებს პასუხისმგებლობას მოსახლეობის უსაფრთხოებაზე, რადგან, მისი თქმით, 22 მარტს გამართულ "საპრეზიდენტო" არჩევნებზე ვერ უზრუნველყვეს კორონავირუსის პრევენციის ზომების გატარება.

ცნობისთვის, 25 მარტის მონაცემებით, საქართველოში COVID- 19-ის 73 ლაბორატორიულად დადასტურებული შემთხვევაა გამოვლენილი. დღეს ახალი კორონავირუსის კიდევ სამი შემთხვევა დადასტურდა.

აპატურაი საქართველოს 9 აპრილს ულოცავს

აპატურაი: რუსეთს არ აქვს უფლება საქართვე...

„რუსეთს არ აქვს ექსკლუზიური უფლება საქართველოს გაწევრიანების პრევენცია მოახდინოს...
ახალციხიდან 100-მდე პირი კარანტინში გადაიყვანეს, დახურეს სილამაზის სალონი, სადაც კოვიდინფიცირებული ი...
38 წუთის წინ
შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის ჯავა-ონის სამ...
53 წუთის წინ
შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის დეტექტ...
55 წუთის წინ
რუსი ტურისტი ქალი, რომელიც ზაფხულში ოკუპირებულ აფხაზეთში დასასვენებლად იყო ჩასული, სოც. ქსელებში წერ...
12:56
შემოსავლების სამსახურის თანამშრომლები შემოსავლების სამსახურმა გადამხდელებს COVID 19...
17-18 სექტემბერს, COVID-19-ის შესაძლო გავრცელების პრევენციის მართვის ფარგლებში, ფინანასთა სამინისტრო...
11:13
30 შემთხვევა თბილისში, 15 იმერეთში - როგ...
ინფექციური საავადმყოფოს სამედიცინო დირექტორის მარინა ეზუგბაიას თქმით, კოვიდინფიც...
11:10
აჭარაში კორონავირუსის 116 შემთხვევა გამო...
აჭარაში კორონავირუსის 116 შემთხვევა გამოვლინდა. ბოლო 24 საათის განმავლობაში რეგი...
დონალდ ტრამპს მიაჩნია, რომ „თალიბანთან“...
აშშ-ის პრეზიდენტს დონალდ ტრამპს მიაჩნია, რომ ავღანურ რადიკალურ დაჯგუფება „თალიბა...