კორონავირუსისგან გამოჯანმრთელებული პირველი პაციენტი კლინიკას დღეს დატოვებს
1584343933
კორონავირუსისგან გამოჯანმრთელებული პირველი პაციენტი თბილისის ინფექციურ საავადმყოფოს, სავარაუდოდ, დღეს დატოვებს და 1 კვირის განმავლობაში თვითიზოლაციაში გადავა. ამის შესახებ ჟურნალისტებს ინფექციური საავადმყოფოს დირექტორმა მარინა ეზუგბაიამ განუცხადა.
"კიდევ ერთხელ შეფასდება არსებული სიტუაცია და დღის განმავლობაში მიიღება გადაწყვეტილება. ეს პაციენტი ალბათ, დღეს დატოვებს კლინიკას, რის შემდეგაც 1 კვირის განმავლობაში აუცილებლად გადავა საცხოვრებელი ადგილის მიხედვით თვითიზოლაციაში", - აღნიშნა მარინა ეზუგბაიამ.
ცნობისთვის, მსოფლიოში კორონავირუსით დაინფიცირებულთა რაოდენობა 167 293 ადამიანს შეადგენს, დაღუპულია 6 455, ხოლო 76 588 პაციენტი გამოჯანმრთლდა.
საქართველოში კორონავირუსის 33 დადასტურებული შემთხვევა გამოვლინდა.
