მარინა ეზუგბაია: 33 პაციენტიდან კორონავირუსი არცერთს დაუდასტურდა
1583822621
ინფექციური საავადმყოფოს სამედიცინო დირექტორის მარინა ეზუგბაიას განცხადებით, დღევანდელი დილის მონაცემებით, ქვეყანაში კორონავირუსის ახალი შემთხვევა გამოვლენილი არ არის.
"დილის მონაცემებით, ჩვენს კლინიკაში მოთავსებულია 30 პაციენტი. გუშინ, ორ ეტაპად, 33 პაციენტს ჩაუტარდა ტესტირება კორონავირუსზე და ყველა შემთხვევაში მიღებულია უარყოფითი პასუხი. ამ პაციენტების ნაწილი უკვე საკარანტინო ზონაში ან თვითიზოლაციაშია და ჯერჯერობით გრძელდება ეს პროცესი",- განაცხადა მარინა ეზუგბაიამ.
მისი თქმით, ინფექციურ კლინიკაში მოტავსებული 14 ინფიცირებულიდან 1 მძიმე მდგომარეობაშია, თუმცა ის მკურნალობას ექვემდებარება.
"მისი მდგომარეობა სტაბილურია, განსაკუთრებული ცვლილება არ შეინიშნება. ექვემდებარება მკურნალობას და იმედი გვაქვს, რომ ასე გაგრძელდება და არ გაუარესდება",- აღნიშნა მარინა ეზუგბაიამ.
შეგახსენებთ, რომ საქართველოში კორონავირუსის პირველი შემთხვევა 26 თებერვალს დაფიქსირდა. ამ დროისთვის ქვეყანაში კორონავირუსით ჯამში 15 ადამიანია ინფიცირებული.
