Logista.ge - კონტეინერების დაზღვევის ინოვაციური პლატფორმა თიბისი დაზღვევისგან
1618317950
თიბისი დაზღვევა უნიკალურ შესაძლებლობებს ამჯერად ბიზნესსექტორს სთავაზობს. კომპანიამ კონტეინერების დაზღვევის სრულად ციფრული პლატფორმა - logista.ge შექმნა. დღეიდან ლოჯისტას საშუალებით ფორვარდერებსა და საზღვაო ხაზებს შორის არსებული პროცესების გადაწყვეტა სადაზღვევო მენეჯერის ჩართულობის გარეშე მოხერხდება. ინფორმაციას თიბისი ბანკი ავრცელებს.
პრესსამსახურის ცნობით, თიბისი დაზღვევა უწყვეტად აგრძელებს მაქსიმალურად მოქნილი, თანამედროვე და ციფრული სერვისების დანერგვას, რომელიც მომხმარებლის ცხოვრების გამარტივებაზეა ორიენტირებული. ახალი პროექტი ბიზნესების მუშაობის პროცესს მეტ ეფექტურობასა და პროდუქტიულობას მატებს, რაც პროცესების ნაკლებ დროში შესრულებითაა განპირობებული.
მათი თქმით, პლატფორმის საშუალებით ფორვარდერი თავიდან აირიდებს საზღვაო ხაზებთან ინდივიდუალური ხელშეკრულებების ყოველწლიური გაფორმების პროცესს და ამ პროცესებთან დაკავშირებულ თითოეულ დეტალს ციფრულად მოაგვარებს. იქნება ეს თავად საზღვაო ხაზთან დაკავშირება, პოლისის გაფორმება, პოლისის თანხის გადახდა, თანამშრომლების დამატება პორტალზე, თუ რეპორტებისა და ინვოისების წარმოება და მათი დაგენერირება.
Logista.ge მომხმარებელს მეტ კომფორტს, ნაკლებ დროში სთავაზობს.
მათივე ცნობით, კონტეინერების დაზღვევის პლატფორმაში ჩართვა ძალიან მარტივია:
ამისათვის საჭიროა, ფორვარდერმა გამოხატოს პლატფორმაში ჩართვის სურვილი, რისთვისაც თიბისი დაზღვევის ცხელ ხაზს უნდა დაუკავშირდეს. რის შემდეგაც, თიბისი დაზღვევა მას კონტეინერების ციფრულ პლატფორმაზე (ვებგვერდზე) დაარეგისტრირებს. ვებგვერდის საშუალებით, მომხმარებელი ღილაკზე თითის ერთი დაჭერით უკავშირდება სასურველ საზღვაო ხაზს და სადაზღვევო პოლისის გამოწერისთვის მხოლოდ 17 წამი სჭირდება.
პ
