ვითიბი ბანკის აქტივებმა 2 მილიარდ ლარს გადააჭარბა
1605774817
2020 წლის 10 თვის შედეგებით, ვითიბი ბანკის აქტივებმა 2 მილიარდ ლარს გადააჭარბა, შესაბამისად წლის დასაწყისიდან ბანკის აქტივების ზრდამ 22.6% შეადგინა. ინფორმაციას ვითიბი ბანკის საზოგადოებასთან ურთიერთობის სამსახური ავრცელებს.
მიმდინარე წლის განმავლობაში მთლიანი საკრედიტო პორტფელი 18.8%-ით გაიზარდა, ხოლო დეპოზიტების ზრდამ 28.5% შეადგინა. ბანკის საოპერაციო მოგება 31 მილიონი ლარით განისაზღვრა რაც 47.4%-ით აღემატება წინა წლის ანალოგიურ მაჩვენებელს და ამ პარამეტრით ვითიბი ბაზრის ლიდერთა სამეულშია.
აქტივების მიხედვით ვითიბი ბანკი ბაზარზე მე - 4 ადგილზეა, ასევე საკრედიტო და სადეპოზიტო პორტფელის მოცულობებით უმსხვილესი ბანკების ოთხეულშია.
