„აჭარაში გვყავს ინფიცირებული ორსულები, პედაგოგები, ხანდაზმულები... “ - ნონა ეფაძე
1600156801
„დღეს დადასტურებული 170 შემთხვევიდან, 124 აჭარას უკავშირდება“,- განაცხადა აჭარის საზოგადოებრივი ჯანდაცვის ცენტრის უფროსის მოადგილემ, ნონა ეფაძემ.
მისი თქმით, არსებული შემთხვევების უმეტესი ნაწილი დადასტურებულ შემთხვევებთან კონტაქტია.
შემთხვევები გამოვლენილია:
- პედაგოგებთან
- სამედიცინო პერსონალთან
- ხანდაზმულთა პანსიონში
- ათი არასრულწლოვანი
- რამდენიმე ორსული
„დღეისათვის აჭარის ჯამში გვყავს 414 პაციენტი, რომელთაგან 285 იმყოფება კლინიკაში, ხოლო 129 პირი გადაყვანილი გახლავთ კოვიდკარანტინში, სამედიცინო პერსონალის მეთვალყურეობის ქვეშ“,- განაცხადა მან.
ნონა ეფაძეს თქმით, არსებობს ვირუსის გავრცელების რამდენიმე მინიკლასტერი, ასევე ისეთიც, რომელიც წინა დღეებში უკვე დაიხურა.
„ახალი კლასტერები ძირითადად არ გვაქვს, ეს არის ძირითადად დადასტურებულ შემთხვევებთან კონტაქტი“,- აღნიშნა მან.
ცნობისთვის, დღეს 15 სექტემბერს საქართველოში კორონავირუსის მორიგი რეკორდული, 170 დადასტურებული შემთხვევა დაფიქსირდა.
