მსოფლიოში კორონავირუსით ინფიცირების დადასტურებული რაოდენობა 31 დეკემბრის მონაცემებით 82 მილიონს აჭარბებს.
რაც შეეხება საქართველოს მეზობელ ქვეყნებს, ეპიდვითარება ასეთია:
🔴 რუსეთის ფედერაცია
რუსეთში Covid-19-ის გავრცელება კვლავ სწრაფი ტემპით გრძელდება. worldometers - ის ინფორმაციით, ბოლო 24 საათში ქვეყანაში 26 513 პირს კოვიდინფექცია დაუდასტურდა, ხოლო 599 გარდაიცვალა. აღსანიშნავია, რომ პანდემიის შედეგად, ქვეყანაში სულ გარდაცვლილია 56 426 პაციენტი, გამოჯანმრთელებულია 2 მლნ-ზე მეტი ადამიანი.
🔴 სომხეთი:
სომხეთში გასული დღე-ღამის განმავლობაში კორონავირუსი 582 ადამიანს დაუდასტურდა. დროის ამ პერიოდში ინფექციას 10 ადამიანი ემსხვერპლა. სომხეთში ინფიცირებულთა რაოდენობა 158 878-მდე გაიზარდა.
🔴 აზერბაიჯანი:
აზერბაიჯანში კოვიდინფიცირებულია 217,636 ადამიანი. ბოლო 24 საათში ქვეყანაში კოვიდინფექცია 1052 ადამიანის დაუდასტურდა, ხოლო 34 ინფიცირებული ვირუსს ემსხვერპლა.
🔴 რაც შეეხება თურქეთს, თურქეთში კოვიდვირუსი დადასტურებული აქვს 2 მლნ-ზე მეტ ადამიანს. გასული დღე-ღამის განმავლობაში ვირუსი 15,692 ადამიანს დაუდგინდა, 254 კი გარდაიცვალა.
ინფორმაციისთვის, კოვიდ-19-ის პირველი შემთხვევა 2019 წლის დეკემბერში ჩინეთში, უჰანის პროვინციაში გამოვლინდა. მიმდინარე წლის 20 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა. ინფექცია გამოწვეულია კორონავირუსის აქამდე უცნობი შტამით.