თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, დღეს, 6 აგვისტოს კორონავირუსის დაფიქსირებული 9 შემთხვევიდან 7 იმპორტირებულია, რომელთაგან 3 სატვირთო ავტომანქანის მძღოლს დაუდასტურდა, 2 შემთხვევაზე კი მიმდინარეობს კონტაქტების კვლევა.
გუშინდელი, 5 აგვისტოს მონაცემებით, ინფექციურ საავადმყოფოში 40 დადასტურებული შემთხვევა იყო, 3 გამოჯანმრთელდა და 1 დაემატა. დღევანდელი ინფორმაციით კი ცენტრში 38 ადამიანი მკურნალობს.
ახალი დადასტურებული შემთხვევის მდგომარეობა არსებული კვლევებით საშუალო სიმძიმისაა.
ცნობისთვის, საქართველოში კოვიდინფიცირების პირველი შემთხვევა 26 თებერვალს დადასტურდა.