„ღორის გრიპით უფრო მეტი ადამიანი გარდაიცვალა, ვიდრე კორონავირუსით“ - თენგიზ ცერცვაძის განცხადება
1599824661
თბილისის ინფექციური საავადმყოფოს დირექტორის თენგიზ ცერცვაძის განცხადებით, ღორის გრიპით უფრო მეტი ადამიანი გარდაიცვალა, ვიდრე კორონავირუსით.
„საქართველო მყარად ინარჩუნებს იმ ქვეყნის სტატუსს, სადაც 1 მილიონ მოსახლეზე გადაანგარიშებით, კორონავირუსისგან სიკვდილობის შემთხვევების რიცხვი ბევრად ნაკლებია, ვიდრე ევროპის და ამერიკის ქვეყნებში. მილიონ მოსახლეზე 5 გარდაცვლილია. ეს ნაკლებია იმაზე, ვიდრე ჩვენ გვქონდა ე.წ. ღორის გრიპის პანდემიის დროს“,- აღნიშნა თენგიზ ცერცვაძემ.
მისი თქმით, საქართველოს მოსახლეობას უნდა ჰქონდეს განცდა, რომ დაცულია.
„მოსახლეობის უსაფრთხოებაზე ზრუნავს სახელმწიფო, ჯანდაცვის სისტემა, რომელიც გამართულად მუშაობს, სხვანაირად ასეთი შედეგები ვერ დაიდებოდა“,- აცხადებს თენგიზ ცერცვაძე.
ინფორმაციისთვის, საქართველოში კორონავირუსის მორიგი რეკორდი დაფიქსირდა. დღეს COVID 19-ის 87 ახალი შემთხვევა გამოვლინდა.
