კორონავირუსული ინფექციის გამოვლენილი შემთხვევების რაოდენობა მსოფლიოში მომდევნო კვირას 10 მლნ-ს გადააჭარბებს. ამის შესახებ ჯანმრთელობის მსოფლიო ორგანიზაციის (WHO) გენერალურმა დირექტორმა ტედროს ადანომ გებრეიუსმა განაცხადა.
ამ დროისთვის WHO-ს აღრიცხული აქვს 9.5 მლნ-ზე მეტი შემთხვევა. ორგანიზაციის შეფასებით, გარდაცვლილია 485 ათასზე მეტი პაციენტი.
ჯანმო-ს ხელმძღვანელმა მოუწოდა სახელმწიფოებს ყველაფერი გააკეთონ კორონავირუსთან საბრძოლველად, პირველ რიგში, აუცილებელია ჟანგბადის მიწოდება ყველა სერიოზულად დაავადებული პაციენტისთვის.