კორონავირუსი საქართველოში - დილის მონაცემები
1594099360
7 ივლისის დილის მონაცემებით, კორონავირუსი საქართველოში 953 ადამიანს აქვს დადასტურებული, მათ შორის 830 პაციენტი გამოჯანმრთელდა, 15 გარდაიცვალა.
ბოლო დღეების განმავლობაში დადასტურებული შემთხვევების წყაროები ცნობილია. უმეტესად იმპორტირებული შემთხვევებია. კორონავირუსი ძირითადად უცხო ქვეყნიდან შემოსულ ტრაილერის მძღოლებს უდასტურდებათ.
ეპიდემიოლოგები ამბობენ, რომ კორონავირუსის გავრცელების კუთხით სტაბილური სიტუაციაა, თუმცა მოსახლეობას მოუწოდებენ, რომ რეკომენდაციები გაითვალისწინონ - პირბადე გამოიყენონ, დაიცვან დისტანცია, თავშეყრის ადგილებს მოერიდონ.
ამ ეტაპზე, კარანტინის რეჟიმში 3903 ადამიანი იმყოფება, სტაციონარში მეთვალყურეობის ქვეშ კი, 202 პაციენტი.
