მარინა ეზუგბაია: ახალი შემთხვევებიდან 2 პაციენტის წყარო ჯერჯერობით დაუდგენელია
1588056622
თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ბოლო 24 საათის განმავლობაში საქართველოში კორონავირუსის 15 ახალი შემთხვევა დადასტურდა, აქედან 2 პაციენტის წყარო ჯერჯერობით დაუდგენელია.
"ახალი შემთხვევებიდან ძირითადად ყველა წყარო ცნობილია, ეს არის ბოლნისი, მარნეული, თეთრი წყარო. მხოლოდ 2 პაციენტია, რომელთა წყარო ამ ეტაპზე ჯერჯერობით დაუდგენელია და ეპიდემიოლოგიური კვლევა გრძელდება", - აღნიშნა მარინა ეზუგბაიამ.
ბოლო მონაცემებით, საქართველოში კორონავირუსის 511 დადასტურებული შემთხვევაა, აქედან 156 გამოჯანმრთელებულია, 6 გარდაცვლილი.
