მარინა ეზუგბაია: პირველად გვაქვს ასეთი დიდი სხვაობა გამოჯანმრთელებულებისა და დადასტურებულების რიცხვს შორის
1588142492
"დაგვემატა სულ 6 ახალი შემთხვევა, ხოლო გამოჯანმრთელებულები დაგვემატა 12. პირველად არის, რომ გამოჯანმრთელებული და დადასტურებული პაციენტების რიცხვს შორის ასეთი დიდი სხვაობაა და ძალიან სასიამოვნოა, რომ ასეა",- განაცხადა ინფექციური საავადმყოფოს სამედიცინო დირექტორმა მარინა ეზუგბაიამ.
როგორც მან აღნიშნა, 6 ახალი ინფიცირებულიდან ერთი თეთრიწყაროს კლასტერიდანაა, 3 ბოლნისიდან, ხოლო 2-ის წყარო დაუდგენელია და მიმდინარეობს მისი კლვლევა. ინფექციურ საავადმყოფოში მათგან 1 პაციენტი მოთავსდა, რომელიც საკარანტინო სივრციდან არის გადაყვანილი.
მისი თქმით, ინფექციურ საავადმყოფოში გამოჯანმრთელებული პაციენტების რაოდენობა 63-ს აღწევს. ამ ეტაპზე მხოლოდ 3 პაციენტი განიხილება მძიმე პნევმონიით დაავადებულად. კლინიკაში კვლავ 11 მოზარდი რჩება. კრიტიკული პაციენტი ინფექციურ საავადმყოფოში ამ დროისთვის არ ჰყავთ.
