მარინა ეზუგბაია: სომხეთიდან შემოსული ორი ინფიცირებულის მდგომარება მძიმე არაა
1586501067
თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, სომხეთიდან შემოსული 2 ინფიცირებული პაციენტის მდგომარეობა მძიმე არაა.
"უკვე დაავადების მე-9 მღეა და თუ 10 დღემდე არ გართულდა, ესეიგი მათთან მდგომარეობა არ დამძიმდება და დაველოდებით გამოჯანმრთელებას",- აღნიშნა მარინა ეზუგბაიამ.
გუშინ ტესტირება 14 პაციენტთან ჩატარდა და ყველა პასუხი უარყოფითია. დღეს ინფექციურ კლინიკაში კიდევ აღებულია 7 ნიმუში, რომელთა პასუხები მოგვიანებით გახდება ცნობილი. კლინიკაში ერთი არასრულწლოვანი პაციენტი იმყოფება და მისი მდგომარეობა დამაკმაყოფილებელია.
საქართველოში კორონავირუსის 227 შემთხვევაა დადასტურებული. გამოჯანმრთელებულია 52 და გარდაცვლილია 3 ადამიანი.
