ოკუპირებულ აფხაზეთში კორონავირუსის შემთხვევების რიცხვი 98-მდე გაიზარდა
1596303836
ოკუპირებულ აფხაზეთში კორონავირუსის 14 ახალი ფაქტი დადასტურდა, რის შედეგადაც ინფიცირების შემთხვევების რიცხვი 98-მდე გაიზარდა. ამის შესახებ ინფორმაციას ვირუსთან ბრძოლის ე.წ. საგანგებო შტაბი ავრცელებს.
ამავე ცნობით, გასული დღის განმავლობაში, კორონავირუსის ინფექციაზე ტესტირება ჯამში 222 ადამიანს ჩაუტარდა.
ამ ეტაპზე, გუდაუთას საავადმყოფოში დადასტურებული კორონავირუსული ინფექციით 26 პაციენტი მკურნალობს. გარდაცვლილია 2 პაციენტი.
ოკუპირებულ აფხაზეთში კორონავირუსით ინფიცირების პირველი შემთხვევა 25 მარტს დადასტურდა.
