ოკუპირებულ აფხაზეთში რუსული ვაქცინით აცრას თებერვალში დაიწყებენ
1608615474
როგორც ცნობილია, ოკუპირებულ აფხაზეთში კორონავირუსთან საბრძოლველად რუსულ ვაქცინას, Sputnik V-ს გამოიყენებენ. ინფორმაციას აფხაზური მედია ავრცელებს.
გამოცემის ცნობით, ოკუპირებული აფხაზეთის პრეზიდენტი ასლან ბჟანია სამუშაო ვიზიტით რუსეთში იმყოფებოდა 9– დან 19 დეკემბრამდე და მან შეხვედრები გამართა რუსეთის მთავრობასთან.
აფხაზეთში რუსული Sputnik V ვაქცინის შეტანა სავარაუდოდ იანვრის ბოლოს - 2021 წლის თებერვლის დასაწყისშია მოსალოდნელი, ამის შესახებ აფხაზეთის პრეზიდენტმა ასლან ბჟანიამ განაცხადა.
„ვაქცინაციის პროცესი გარკვეული კატეგორიის მოქალაქეებისთვის, ვფიქრობ, თებერვალში დაიწყება და ასე შემდეგ, ეტაპობრივად, სანამ ჩვენი სრული საჭიროებები არ დაკმაყოფილდება“ , - განაცხადა პრეზიდენტმა.
აგრეთვე გამოცემის ცნობით, ბჟანიამ მადლობა გადაუხადა რუსეთის ფედერაციის ხელმძღვანელობას კორონავირუსული ინფექციის წინააღმდეგ ბრძოლაში დახმარებისთვის.
ცნობისთვის, ოკუპირებულ აფხაზეთში ბოლო 24 საათში კოვიდინფიცირების 92 ახალი შემთხვევა დაფიქსირდა. ჯამში ინფიცირებულია 7 871 ადამიანი, აქედან 6 003 გამოჯანმრთელდა, ხოლო 102 პაციენტი გარდაიცვალა.
აგრეთვე, დაგაინტერესებთ:
