სპეციალური პენიტენციური სამსახური: N6 პენიტენციურ დაწესებულებაში 143 მსჯავრდებულისთვის ჩატარებული PCR ტესტის ყველა პასუხი უარყოფითია

ინტენსიური PCR ტესტირების ფარგლებში ამჯერად ტესტირება N6 დაწესებულების 143 მსჯავრდებულს ჩაუტარდა და ყველა პასუხი უარყოფითი აღმოჩნდა, - ამის შესახებ ინფორმაციას პენიტენციური სამსახური ავრცელებს. 

სპეციალური პენიტენციური სამსახური აგრძელებს PCR ტესტირებას, რომელიც ყველა დაწესებულებაში ორ კვირაში ერთხელ ჩატარდება და ტესტირების შედეგების შესახებ საზოგადოებას ეტაპობრივად მიეწოდება ინფორმაცია.

უწყების ინფორმაციით, აღსანიშნავია, რომ ვირუსის ცალკეული შემთხვევების აღმოჩენის მიუხედავად, ვითარება პენიტენციურ სისტემაში სრულად ექვემდებარება კონტროლს და პატიმრებს და მათ ოჯახებს შეშფოთების საფუძველი არ აქვთ.

ინფორმაციისთვის, სპეციალური პენიტენციური სამსახურმა პენიტენციურ დაწესებულებებში მსჯავრდებულთა და ბრალდებულთა კორონავირუსზე ინტენსიური ტესტირება გასული წლის 31 დეკემბერს დაიწყო.