ვინ არის კორონავირუსით გარდაცვლილი 27-ე პაციენტი?
1601019353
დღეს, 25 სექტემბერს საქართველოში კორონავირუსისგან 27-ე ადამიანი გარდაიცვალა.
გარდაცვლილი პაციენტი, 54 წლის კაცი ბათუმის „რესპუბლიკურ კლინიკურ საავადმყოფოში“ სასწრაფო სამედიცინო დახმარების ბრიგადამ 20 სექტემბერს 15:45 საათზე შეიყვანა.
პაციენტის დიაგნოზი სუნთქვის მწვავე უკმარისობა, ცხელება, ფილტვის 80%-ის დაზიანება გახლდათ.
პოსტრეანიმაციული ღონისძიებების შემდეგ პაციენტი მოათავსეს რეანიმაციულ განყოფილებაში.
პაციენტის მდგომარეობა კლინიკაში შეყვანისთანავე შეფასდა რთულად. პაციენტს ჰქონდა რთული ანამნეზი: მკერდ უკანა ჯირკვლის კიბო, სუნთქვის უკმარისობა, გულის უკმარისობა.
კლინიკაში გატარდა ყველა შესაბამისი ღონისძიება, თუმცა თანმდევი დაავადებების სირთულიდან გამომდინარე, სამწუხაროდ, პაციენტის გადარჩენა ვერ მოხერხდა. პაციენტი გარდაიცვალა 25 სექტემბერს 10:00 საათზე.
ინფორმაციისთვის, საქართველოში კორონავირუსის პირველი შემთხვევა მიმიდნარე წლის 26 თებერვალს დადასტურდა.
