კახა კალაძე: კახეთი არის ის რეგიონი, სადაც ძალიან ბევრმა გლეხმა ისარგებლა იმ პროგრამებით, რომელიც ჩვენ განვახორციელეთ
1597067885
„კახეთი, სადაც დღეს ვიმყოფებით, ეს არის ის რეგიონი, სადაც ძალიან ბევრმა გლეხმა ისარგებლა იმ პროგრამებით, რომელიც ჩვენი მხრიდან იქნა განხორციელებული“,- ამის შესახებ ,,ქართული ოცნების” გენერალურმა მდივანმა კახა კალაძემ განაცხადა.
მისი თქმით, პარტიის საარჩევნო კამპანია სამომავლო გეგმებსა და ხედვებზე იქნება ორიენტირებული.
„ჩვენი საარჩევნო კამპანია იქნება ორიენტირებული მომავალზე, სამომავლო ხედვებზე, გეგმებზე, თუ როგორ წარმოგვიდგენია ქვეყნის განვითარება, რას ვპირდებით და რას ვეუბნებით მოსახლეობას, როგორ მოხდება ქვეყნის განვითარება. მაგალითად კახეთი, სადაც დღეს ვიმყოფებით, ეს არის ის რეგიონი, სადაც ძალიან ბევრმა გლეხმა ისარგებლა იმ პროგრამებით, რომელიც ჩვენი მხრიდან იქნა განხორციელებული. ეს არის საოჯახო სასტუმროების პროექტები, ფერმერების პროექტები, ვენახების გაშენება, მაშინ, როდესაც ვენახების დაჩეხვაზე იყი პირდაპირი მოწოდებები, დღეს რადიკალურად განსხვავბული მდგომარეობაა. ყველაფერზე შედარება უნდა გავაკეთოთ, რა იყო წარსულში, რა გვაქვს დღეს და საით მივდივართ, როგორი ქვეყანა გვინდა, რომ განვავითაროთ და როგორი ქვეყანა წარმოგვიდგენია ჩვენი საქართველო. შესაბამისად, მთავარი მიმართულება იქნება მომავალზე ორიენტირებული და სამომავლო ხედვები”, - განაცხადა კალაძემ.
ცნობისთვის, პოლიტიკურმა გაერთიანებამ „ქართული ოცნება – დემოკრატიული საქართველომ“ რეგიონებში ამომრჩეველთან შეხვედრა და მაჟორიტარი დეპუტატობის კანდიდატების წარდგენა დღეს, 10 აგვისტოს, კახეთიდან დაიწყო. კახეთის მოსახლეობასთან პირველი შეხვედრა თელავში გაიმართა, სადაც მმართველმა პარტიამ თელავის მოსახლეობას მაჟორიტარი დეპუტატობის კანდიდატი ირაკლი ქადაგიშვილი წარუდგინა.
