ახალციხეში სასტუმროს მესამე სართულიდან მინა გადავარდა, რომელიც გამვლელ ახალგაზრდა ქალს დაეცა.
ახალგაზრდა ქალმა ხელზე დაზიანებები მიიღო. დაზარალებულს სასწრაფო-სამედიცინო სამსახურმა დახმარება ადგილზე აღმოუჩინა და ახალციხის რეფერალურ საავადმყოფოში გადაიყვანა.
ექიმების თქმით, ჭრილობა ქირურგმა უნდა დაამუშავოს. მედიკოსები ამბობენ, რომ ხელზე რამდენიმე ნაკერის დადება გახდება საჭირო.
შსს-ს თანამშრომლებმა შემთხვევის ადგილზე ყვითელი ლენტი შემოავლეს და მინის გადმოვარდნის საფრთხის გამო, მოქალაქეებს გადაადგილებას უკრძალავენ. გამოძიება სსკ-ის 124 მუხლით დაიწყო, რაც გულისხმობს ჯანმრთელობის ნაკლებად მძიმე ან მძიმე დაზიანებას გაუფრთხილებლობით. ისჯება ჯარიმით ან გამასწორებელი სამუშაოთი ვადით ორ წლამდე.