ახმეტაში შუახნის მამაკაცი იარაღიდან გასროლილ ტყვიას ემსხვერპლა
1586793899
ახმეტის მუნიციპალიტეტის სოფელ არგოხში შუახნის მამაკაცი თოფიდან გასროლილ ტყვიას ემსხვერპლა, უბედური შემთხვევა ცოტა ხნის წინ მოხდა.
ადგილობრივების ინფორმაციით, მამაკაცმა იარაღი სასოფლო-სამეურნეო ნაკვეთში ფრინველებზე სანადიროდ გაიტანა.
მათივე თქმით, იარაღი მწყობრიდან იყო გამოსული და გასროლის დროს ტყვია უკან დაბრუნდა, რის შედეგადაც, მამაკაცი ადგილზე გარდაიცვალა.
შემთხვევას ექსპერტ-კრიმინალისტები სწავლობენ. გამოძიება თვითმკვლელობამდე მიყვანის მუხლით დაიწყო.
