დღეს, 16 სექტემბერს გიორგი შაქარაშვილის საქმეზე ბრალდებულების სასამართლო პროცესზე გარდაცვლილი ფეხბურთელის დედას გამოკითხავენ.
6 არასრულწლოვნის საქმეზე თამარ შაქარაშვილი მოწმის სტატუსით იქნება გამოკითხული.
არსებული ინფორმაციით ადვოკატები სადაოს არ ხდიდნენ შვილმკვდარი დედის ჩვენებას, მაგრამ მოსამართლემ საჭიროდ ჩათვალა, რომ ის სასამართლოში ჩვენების მისაცემად მისულიყო.
ინფორმაციისთვის, მიმდინარე წლის 19 ივნისს ახალგაზრდა სპორტსმენის გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. 4-დღიანი სამძებრო სამუშაოების შემდეგ, გიორგი შაქარაშვილის ცხედარი წყალში იპოვეს. შაქარაშვილის გარდაცვალების საქმეზე 17 პირია დაკავებული.