გურამ ამირხანაშვილმა შაქარაშვილის საქმეზე დაკავებული ზ.ხ. ამოიცნო
1595506766
გიორგი შაქარაშვილის საქმის ოქროს მოწმემ გურამ ამირხანაშვილმა დაკავებული არასრულწლოვანი ზ.ხ. ამოიცნო. ამის შესახებ ბრალდებულის ადვოკატმა გიორგი გელხაურმა ჟურნალისტებს განუცხადა.
„ამირხანაშვილმა ამოიცნო ზ.ხ. და მან ასევე განმარტა, რომ ეს პირი მას ნანახი ჰყავს პოლიციაში, როდესაც ის გამოკითხვაზე იმყოფებოდა და ზ.ხ.-მ მას გადასცა ნამცხვარი, რადგან ის მშიერი იყო. ეს დაფიქისრებულია გამოკითხვის ოქმში, რომელიც ხელმოწერილია. ამირხანაშვილმა ზ.ხ. ასევე ნახა მანქანაში, თუმცა მას არ უთქვამს, რომ ზ.ხ.-სგან ადგილი ჰქონდა რაიმე სახის ძალადობას ან შეურაცხჰყოფას“,- აღნიშნა უფლებადამცველმა.
19 ივნისს გიორგი შაქარაშვილის ოჯახმა ფეხბურთელის დაკარგვის შესახებ შსს-ს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები, რომელიც 4 დღე გაგრძელდა. მყვინთავებმა ფეხბურთელ გიორგი შაქარაშვილის ცხედარი 21 ივნისს წყალში იპოვეს.
შაქარაშვილის გარდაცვალების საქმეზე 17 პირია დაკავებული.
10 ივლისს პროკურატურამ გარდაცვლილი გიორგი შაქარაშვილის ცხედრის ექსპერტიზის დასკვნა გაავრცელა, რომლის თანახმად გიორგი შაქარაშვილის სიკვდილის მიზეზია ასფიქსია წყალში დახრჩობით.
საქმეზე გამოძიება დამამძიმებელ გარემოებებში ჯგუფურად განზრახ მკვლელობის, ჯგუფურად ძალადობის ორგანიზებისა და მასში მონაწილეობის და თავისუფლების უკანონო აღკვეთის მუხლებით მიმდინარეობს.
