შაქარაშვილის საქმეზე დაკავებული 11 პირიდან ბრალს არც ერთი არ აღიარებს
1600077022
გარდაცვლილი ფეხბურთელის, გიორგი შაქარაშვილის საქმეზე დაკავებული 11 სრულწლოვანიდან ბრალს არც ერთი არ აღიარებს.
სასამართლო პროცესზე, რომელიც დღეს, 14 სექტემბერს მცხეთის რაიონულ სასამართლოში მიმდინარეობს ბრალდებულებმა განაცხადეს, რომ დუმილის უფლებით სარგებლობენ.
დღეს გამართულ პროცესზე გარდაცვლილი ფეხბურთელის, გიორგი შაქარაშვილის საქმეზე დაკავებული 11 სრულწლოვანი პირი წარსდგება, რომელთა საქმეც პროკურატურამ ცალკე წარმოებად გამოყო.
ერთ-ერთმა ბრალდებულმა, ნიკოლოზ რევაზიშვილმა განაცხადა, რომ მას განცხადების გაკეთება სურდა და ასევე თქვა, რომ ის უდანაშაულოა.
ინფორმაციისთვის, მიმდინარე წლის 19 ივნისს ახალგაზრდა სპორტსმენის გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. 4-დღიანი სამძებრო სამუშაოების შემდეგ, გიორგი შაქარაშვილის ცხედარი წყალში იპოვეს. შაქარაშვილის გარდაცვალების საქმეზე 17 პირია დაკავებული.
