2020 წლის 15 ნოემბრიდან, ოკუპირებული აფხაზეთის ტერიტორიაზე მოსახლეობას ელექტროენერგიაზე გრაფიკი დაუწესეს. ინფორმაციას აფხაზური გამოცემები ავრცელებენ.
კერძოდ ყველა რაიონში დღეში სამჯერ, 2-2 საათით ელექტრომომარაგება შეუწყდებათ.
შეზღუდვის მიზეზად ელექტროენერგიის არალეგალურ მომხმარებას ასახელებენ, რის გამოც 3 მილიონი კილოვატ/საათის დეფიციტია, რომელსაც უკანონო მიერთებებს უკავშირებენ.
ოკუპირებულ აფხაზეთში ელექტროენერგიის მოხმარება ყოველწლიურად 5-9% -ით იზრდება და არსებული სიმძლავრე არ ყოფნით მიმდინარე მოხმარებისთვის, ამას კრიპტოვალუტათა მწარმოებლების დახარჯული ელექტროენერგია ემატება.
ამავდროულად ოკუპირებულ რეგიონში ელექტროენერგიის ქსელების გაუარესებამ კრიტიკულ მდგომარეობას მიაღწია.