სამხედრო

ახალქალაქში საწყისი საბრძოლო მომზადების ახალი ცენტრი გაიხსნა

ირაკლი ღარიბაშვილ
20:38 19.09
დაკოპირებულია

დღეიდან, ყველა იმ ადამიანს, ვინც დაინტერესებულია იმსახუროს საქართველოს თავდაცვის ძალებში, შესაძლებლობა ექნება საწყისი საბრძოლო მომზადება თანამედროვე სტანდარტის, უახლესი ინფრასტრუქტურის, კეთილმოწყობილ სამხედრო ბაზაზე გაიაროს.

ახალქალაქში მდებარე საწყისი საბრძოლო მომზადების ახალი ცენტრი დღეს საქართველოს თავდაცვის მინისტრმა ირაკლი ღარიბაშვილმა და თავდაცვის ძალების მეთაურმა, გენერალ-მაიორმა გიორგი მათიაშვილმა საზეიმოდ გახსნეს. ღონისძიების ოფიციალური ნაწილის დაწყებამდე, თავდაცვის უწყების ხელმძღვანელი პირები ბაზაზე განხორციელებულ ინფრასტრუქტურულ პროექტებსაც გაეცნენ.

ახალქალაქში მდებარე ძველი, საბჭოთა ბაზა უახლეს ინფრასტრუქტურად იქცა - შეიცვალა და გარემონტდა შენობა-ნაგებობები, ყაზარმები, სასადილოები, მოწესრიგდა შიდა ინფრასტრუქტურა და სრულად განახლდა საკომუნიკაციო სისტემები. საწყისი საბრძოლო მომზადების ახალი ცენტრი მზად არის ერთ ნაკადზე 800, როგორც საკონტრაქტო, ასევე სავალდებულო სამხედრო სამსახურის რეკრუტი მიიღოს და მოამზადოს.

თავდაცვის მინისტრის განცხადებით, უწყების ერთ-ერთი პრიორიტეტი სამხედრო მოსამსახურეებისთვის ღირსეული პირობების შექმნაა. მისი თქმით, კურსის გავლისა და ფიცის დადების შემდგომ, რეკრუტებს ჯარში დახვდებათ თანამედროვე ინფრასტრუქტურა, უმაღლესი სტანდარტების უნიფორმა და ფეხსაცმელი, მსოფლიო ბრენდების საუკეთესო სპეცტექნიკა, განახლებული შეიარაღება, წვრთნისა და განათლების ახალი შესაძლებლობები და მნიშვნელოვნად გაუმჯობესებული სოციალური უზრუნველყოფა.

2015 წლის 3 სექტემბერს, ცენტრს, 2008 წლის რუსეთ-საქართველოს ომში დაღუპული უფროსი სერჟანტის, ზაზა ფერაძის სახელი მიენიჭა, ხოლო 19 სექტემბერი, ცენტრის დღედ გამოცხადდა. დღემდე, უფროსი სერჟანტი ზაზა ფერაძის სახელობის საწყისი საბრძოლო მომზადების ცენტრი განლაგებული იყო წვრთნებისა და სამხედრო განათლების მხარდამჭერ ცენტრ „კრწანისის“ „ალგეთის“ საწვრთნელ ბაზაზე. საბრძოლო მომზადების ცენტრი მნიშვნელოვან როლს ასრულებს საქართველოს თავდაცვის ძალების განვითარებაში, სადაც თავდაცვის ძალების ყველა სახეობისათვის მომავალ ჯარისკაცებს ამზადებენ.

საწყისი საბრძოლო მომზადების კურსის ხანგრძლივობა 10 კვირაა, რომლის მიმდინარეობისას, რეკრუტი სხვადასხვა სამხედრო დისციპლინაში ემზადება და საბაზისო სამხედრო უნარ-ჩვევებს ეუფლება. იგი უზრუნველყოფილია კვებით, სამხედრო ფორმითა და საველე აღჭურვილობით, სამედიცინო დაზღვევითა და განთავსებით. პირველად საქართველოს თავდაცვის ძალების ისტორიაში, თავდაცვის მინისტრის ირაკლი ღარიბაშვილის გადაწყვეტილებით, საწყისი საბრძოლო მომზადების კურსზე (BCT) ჩარიცხული რეკრუტები 500 ლარის ოდენობით ანაზღაურებას იღებენ.

დაარსების დღიდან დღემდე საწყისი საბრძოლო მომზადება რამდენიმე ათეულმა ათასმა რეკრუტმა გაიარა. საზეიმო ცერემონიალი წარმატებული სამხედრო მოსამსახურეების დაჯილდოებით დასრულდა. ღონისძიებას თავდაცვის ძალების ხელმძღვანელი პირები და 2008 წლის რუსეთ-საქართველოს ომში გმირულად დაღუპული უფროსი სერჟანტის ზაზა ფერაძის ოჯახის წევრები დაესწრნენ. თავდაცვის მინისტრმა ზაზა ფერაძის შვილებს სამახსოვრო საჩუქრები გადასცა.

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
რუსეთის ფედერაციის საგარეო საქმეთა მინისტრი სერგეი ლავროვი კოვიდინფიცირებულ პირთან კონტაქტის გამო თვ...
49 წუთის წინ
„დღეს, ჩვენ, აქ ვზეიმობთ ამ შესანიშნავი სტადიონის გახსნას, რაც ფეხბურთის უამრავი გულშემატკივრის ოცნე...
59 წუთის წინ
27 ოქტომბერს, ფოთში, ბათუმის სახელმწიფო საზღვაო აკადემიის ფილიალის ოფიციალური გახსნის ღონისძიება გაი...
20:37
საფრანგეთსა და ესპანეთში ყოველდღიურად მძიმდება ეპიდემიოლოგიური ვითარება. worldometers-ის განახლებული...
20:13
საშემოსავლოს დაბეგვრა

ფიზიკურ პირებს ან მათი ოჯახის წევრებს 40 000...

„ფინანსთა სამინისტროს შემოსავლების სამსახური შეგახსენებთ, რომ თუ თქვენი და თქვენი ოჯახის წევრების შე...
პრემიერი: ოპოზიცია ოცნებობს, რომ სახელმწ...
„ოპოზიციის გარკვეული ნაწილი ოცნებობს იმაზე, რომ სახელმწიფო ინსტიტუტები ჩამოიშალო...
ბათუმში ,,კუპატას” სახელობის ცხოველთა თა...
ბათუმში მრავალფუნქციური სარეკრეაციო სივრცე მოეწყობა. პროექტის ფარგლებში 13 ჰა ტე...
თსუ-ში აფხაზურენოვანი წიგნები და ისტორიუ...
ივანე ჯავახიშვილის სახელობის თბილისის სახელმწიფო უნივერსიტეტის სივრცეში წიგნსაცა...