დასავლეთ ევროპის ნაწილებში დამანგრეველი წყალდიდობის შედეგად დაღუპულთა რიცხვი 170-მდე გაიზარდა, - ამის შესახებ „როიტერი“ იუწყება.
წყლის მაღალი დონისა და კომუნიკაციის არქონის გამო, ასობით ადამიანი დაკარგულად მიიჩნევა.
გერმანიის პრეზიდენტი ფრანკ-ვალტერ შტაინმაიერი ჩრდილოეთ რაინ-ვესტფალიის შტატში ჩავიდა, სადაც სტიქიამ 45 ადამიანი იმსხვერპლა.
გერმანიაში, მდინარე რურზე კაშხლის გარღვევის გამო, 700-მდე ადამიანის ევაკუაცია განხორციელდა.
საფრთხე შეიძლება შეექმნას ეფელდისა და შთაინკირხენის დასახლებებსაც, სადაც 1 600-მდე ადამიანი ცხოვრობს.
ქვეყანაში სტიქიას 133 ადამიანი ემსხვერპლა, დაკარგულად ითვლება 1 300-ზე მეტი ადამიანი.