ჰაიტიზე მიწისძვრის შედეგად დაღუპულთა რიცხვი 227-მდე გაიზარდა
1628973721
უკანასკნელი მონაცემებით, ჰაიტიზე მიწისძვრის შედეგად დაღუპულთა რიცხვი 227-ს შეადგენს. ინფორმაციას „როიტერი“ ავრცელებს.
ამავე ცნობით, დაშავებულია ასობით ადამიანი.
სამხრეთ-დასავლეთ ჰაიტიზე, 7.2 მაგნიტუდის სიმძლავრის მიწისძვრამ ეკლესიები, სასტუმროები და სახლები ნანგრევებად აქცია.
შეგახსენებთ, რომ ღარიბ ქვეყანას, რომელიც უკვე ჰუმანიტარულ და პოლიტიკურ კრიზისშია, სტიქიური უბედურება ადგილობრივი დროით 08:30 საათზე დაატყდა თავს.
აშშ-ის გეოლოგიური სამსახურის თანახმად, მიწისძვრის ეპიცენტრი ქალაქ სენტ-ლუი დი სუდიდან 12 კმ-ის დაშორებით იყო.
ამავდროულად, ძლიერი მიწისძვრის გამო ჰაიტიზე ცუნამის საფრთხე გამოცხადდა.
