ინდონეზიაში მდინარის დასუფთავების დროს 11 ადამიანი დაიხრჩო
1634382893
ინდონეზიაში, ჯავის პროვინციაში მდინარის დასუფთავების დროს 11 სტუდენტი დაიხრჩო, - ამის შესახებ უცხოური მედია წერს.
ადგილობრივმა ოფიციალურმა წარმომადგენლებმა განაცხადეს, რომ საშუალო სკოლის 150 მოსწავლე მონაწილეობდა მდინარე კილეურის ნაპირების გასუფთავებაში, როდესაც 21 მათგანი წყალში ჩავარდა.
სამაშველო ჯგუფმა 10 მოსწავლის გადარჩება მოახერხა. პოლიცია აცხადებს, რომ უბედური შემთხვევა მას შემდეგ მოხდა, რაც წყალში ერთი სტუდენტი გადავარდა, დანარჩენები კი როდესაც მის დახმარებას შეეცადნენ, თავადაც გადაცვივდნენ მდინარეში.
