უკრაინაში, ბორისპოლის აეროპორტში, თბილისიდან ჩაფრენილ თვითმფრინავში სამართალდამცველები ბომბს ეძებენ. ამის შესახებ ადგილობრივი მედია იუწყება.
მედიის ცნობით, თვითმფრინავის ბორტიდან მგზავრები 5-5-ად ჩაიყვანეს და თითოეული ინდივიდუალურად შეამოწმეს ძაღლების მეშვეობით. ასევე, მიმდინარეობს ბორტის დათვალიერება.
ამ დროისთვის ასაფეთქებელი მოწყობილობა ნაპოვნი არ არის.
უკრაინელმა სამართალდამცველებმა, სავარაუდოდ, ბორტზე ბომბის არსებობის შესახებ შეტყობინება მიიღეს.