ლუკა კურტანიძე ნინო ბურჯანაძეს: რა სინდისმა მოგცათ უფლება, მკვლელებთან ერთად იდგეთ?
1604391856
„ახლა კარგად წაიკითხე და მოისმინეთ ძალიან განათლებულო პოლიტიკოსებო, ბურჯანაძე გუბაზა სანიკიძე მიროტაძე მელია ბოკერია სააკაშვილო... ნუ ახლა ყველა სულგაყიდულს ვერ ჩამოვთვლი - თქვენ რაც გინდათ გასაგებია! მაგრამ იცოდეთ ჩვენ ჩვენი ოჯახის ჩვენი მეგობრების ჩვენი თანამებრძოლების ხმას და არჩევანს სისხლითაც დავიცავთ. კიდევ ერთხელ გავიმეორებ ქალბატონო ნინო, სიცოცხლის ფასად დავიცავთ ჩვენს არჩევანს და გაბედეთ იძალადოთ იმ ადამიანებთან ერთად, ვისთანაც დღეს დგახართ, რასაც მიიღებთ იმას ადვილად მიხვდებით რადგან არცერთი სანტიმეტრით უკან არ იქნება დახევა“, - ამ სიტყვებით მიმართავს ყოფილი დეპუტატი ლუკა კურტანიძე ნინო ბურჯანაძესა და ოპოზიციას.
კურტანიძის თქმით, მისთვის გაუგებარია, თუ რას ემსახურება ნინო ბურჯანაძის ქმედებები და ზოგადად, მისი პოლიტიკური გადაწყვეტილებები:
„თქვენ კი მარტო დარჩებით რადგან ეგ გუბაზა და მისი ლაქია მიროტაძე ბრძოლის დროს სადაც იქნებიან, ჩემზე უკეთესად იცით! ნამდვილად გული მწყდება. მე პოლიტიკაში უცოდინარმა და თქვენ კი ასე განათლებულმა პოლიტიკაში როგორ შესძელით თქვენზე მონდობილ კამიკაძე თანამებრძოლებზე გადაბიჯება? როგორ შესძელით თქვენზე მონდობილი შეგნებულად სიკვდილზე წასული თანამებრძოლების გაწირვა? რა სინდისმა მოგცათ უფლება მჩაგვრელებთან ღირსების ამყრელებთან და მკვლელებთან ერთად იდგეთ? უფრო მეტიც, მათან ერთად ებრძვით დანარჩენ საქართველოს?! ვერა ქალბატონო ნინო, ამ პოლიტიკას ვერ გაგიგებთ! იცით რატომ? ! იმიტომ რომ სამშობლოსთვის თვითგანწირვა ჩემთვის დიდი იდეაა და ბედნიერება!“, - აღნიშნავს კურტანიძე.
კურტანიძე, ასევე, მოუწოდებს ნინო ბურჯანაძეს, არ ახსენოს 2011 წლის 26 მაისი და „სახალხო კრება“. მისი თქმით, ბურჯანაძეს ამის მრალური უფლება არ აქვს:
„არ ვიცი ეს არის თუ არა დიდი თქვენი სადარი პოლიტიკოსობა, მაგრამ მაინც გეტყვით, ასეთები, მადლობა უფალს, ძალიან ბევრი ვართ! გთხოვთ, არ ახსენოთ 2011 წლის 26 მაისი და ასევე გთხოვთ ნუ ახსენებთ სახალხო კრებას! თქვენ უკვე არა გაქვთ მორალური უფლება ახსენოთ სახალხო სუფთა მოძრაობა, სადაც სპეტაკი სამშობლოსთვის დაფერფლილი ხალხი იყო გაერთიანებული! შეგახსენებთ, სახალხო კრება იყო გაერთიანებული ქართველ ხალხზე მოძალადე ნაც.რეჟიმის და ავადმყოფი მკვლელი სააკაშვილის წინააღმდეგ! თქვენ კი ეს თვეები ხართ ამ მკვლელების დაცვაში და მათთან ერთად ებრძვით ჩვენს არჩევანს! აქ ყველაფერი ნათქვამია სამწუხაროდ. ჩვენ სისხლით დავიცავთ ჩვენს არჩევანს და, რაც მთავარია, ჩვენს იდეას „ქართული ოცნების“ ასრულებას! დიახ, ეს არის იდეა და არა ვიწრო პარტიული არჩევანი ან პარტიული ამბიცია. დიახ, ხმამაღლა გეუბნებით. „ქართული ოცნება“ არის იდეა და მას ჩვენ სიცოცხლის ფასად დავიცავთ!!!!” – განმარტავს ყოფილი დეპუტატი.
