„მგონია, რომ პრეზიდენტი ვეტოს დადებაზე სერიოზულად ფიქრობს“ - იაგო ხვიჩია
1620378333
„გირჩის“ თავმჯდომარის იაგო ხვიჩიას განცხადებით, შესაძლოა პრეზიდენტი ადმინისტრაციულ სამართალდარღვევათა კანონში ცვლილებების შესახებ კანონპროექტზე ვეტოს დადებას ნამდვილად აპირებდეს.
„ვფიქრობ, პრეზიდენტი სერიოზულად ფიქრობს ვეტოზე. წინააღმდეგ შემთხვევაში, უცნაურია ის ერთობოდეს ქართველ პოლიტიკოსებთან ინდივიდუალური შეხვედრებით. კანონპროექტების კანონპროექტებით დათრგუნვა, როგორც ჩანს, ქართული პარლამენტარიზმის ერთგვარი სტილია, რომლის შინაარსიც მე კარგად არ ვიცი“, - აღნიშნა იაგო ხვიჩიამ.
მისი თქმით, თუ ალტერნატიული კანონპროექტის ინიცირება გახდება საჭირო, ამაზე ოპოზიციური პარტიები უნდა შეთანხმდნენ.
„მგონია, რომ ჩვენ უნდა შევძლოთ ერთმანეთთან საუბარი, რომ ერთიან დოკუმენტზე შევთანხმდეთ და არა ის, რომ როცა რაღაც არ მოგვეწონება, ყველამ ჩვენ ჩვენი დოკუმენტებით და კანონპროექტებით ვიაროთ, ეს ჩემთვის ცოტა გაუგებარია“, - განაცხადა იაგო ხვიჩიამ.
შეგახსენებთ, რომ ოპოზიციის აზრით, პრეზიდენტმა ადმინისტრაციულ სამართალდარღვევათა კოდექსის ცვლილებების კანონპროექტს ვეტო უნდა დაადოს.
6 მაისს აღნიშნულ საკითხზე პრეზიდენტმა ოპოზიციური პარტიების წარმომადგენლებთან ინდივიდუალური შეხვედრები გამართა.
აგრეთვე წაიკითხეთ:
სალომე ზურაბიშვილი იაგო ხვიჩიას შეხვდა
„ამის შეჩერების ყველაზე სწრაფი გზა, არის ვეტოს დადება“ - სალომე სამადაშვილი პრეზიდენტს ხვდება
პრეზიდენტი ოპოზიციური პარტიების წარმომადგენლებთან შეხვედრებს მართავს
