პარლამენტში ვიცე-სპიკერების რაოდენობა მცირდება. ცვლილება პარლამენტის რეგლამენტში შედის.
რეგლამენტის პროექტის ერთ-ერთი ინიციატორის გურამ მაჭარაშვილის განმარტებით, ვიცე-სპიკერების ერთი კვოტა იქნება ოპოზიციის.
არსებული რეგლამენტით, პარლამენტს 7 ვიცე-სპიკერი ჰყავს, მათ შორის ორი ოპოზიციონერია სხვადასხვა პარტიიდან. ცვლილების პროექტით კი, პარლამენტის თავმჯდომარეს 3 მოადგილე ეყოლება, აქედან 2 უმრავლესობიდან იქნება, 1 ოპოზიციიდან.