პარტია „მოქალაქეები“ ღარიბაშვილის კანდიდატურას მხარს არ დაუჭერენ
1613733312
პარტია „მოქალაქეების“ ლიდერი და პარლამენტარი ალეკო ელისაშვილი აცხადებს, რომ მისი პარტია ღარიბაშვილის კანდიდატურას პრემიერ-მინისტრის პოსტზე მხარს არ დაუჭერს.
„ღარიბაშვილის კანდიდატურას მხარს ნამდვილად ვერ დავუჭერთ,“ - აცხადებს იგი.
რაც შეეხება მთავრობის სხვა წევრებს, ელისაშვილი თვლის, რომ იგივე შემადგენლობა იქნება ერთი-ორი ცვლილებით.
„სხვები არ ვიცი ახლა, ნიკო ნიკოლაძეს და ექვთიმე თაყაიშვილს ისინი ვერ გააცოცხლებენ, მთავრობაში რომ მიიყვანონ და რაც იყო, ალბათ, ისევ იგივე იქნება, ერთი-ორი დეკორატიული ცვლილებით,“ - განაცხადა მან.
ელისაშვილი განსაკუთრებულ ინტერესს გამოთქვამს სამთავრობო გეგმის თაობაზე - „მე მაინტერესებს, სამთავრობო გეგმას რომ წარმოადგენენ დღეს, 1 დღეში რა სამთავრობო გეგმა დაწერეს?!“
ელისაშვილი წულუკიანის შესაძლო მინისტრობასაც ეხმიანება: „წულუკიანი თავადაც ადასტურებს, რომ კულტურის მინისტრობას აპირებს, ვნახოთ, იქნება თუ არა წულუკიანი ამ ჩამონათვალში.“ - აღნიშნა ალეკო ელისაშვილმა.
ინფორმაციისთვის, პრემიერ-მინისტრობის კანდიდატად პოლიტსაბჭომ ირაკლი ღარიბაშვილი დაასახელა. მინისტრთა კაბინეტის ახალი შემადგენლობა, სავარაუდოდ დღეს პარლამენტში, ბიუროს წარედგინება. ბიუროს სხდომა დღეს 18:00 საათზეა ჩანიშნული.
აგრეთვე იხილეთ:
პრემიერ-მინისტრობის კანდიდატად პოლიტსაბჭომ ირაკლი ღარიბაშვილი დაასახელა
