საქართველოს კიდევ ერთი ვიცე-პრემიერი დავით ზალკალიანი იქნება
1611214063
საქართველოს კიდევ ერთი ვიცე-პრემიერის პოსტზე პრემიერ-მინისტრმა გიორგი გახარიამ საგარეო საქმეთა უწყების ხელმძღვანელი დავით ზალკალიანი დანიშნა. გადაწყვეტილება გიორგი გახარიამ მთავრობის სხდომაზე გამოაცხადა.
მისი თქმით, სტრატეგიულ პარტნიორებთან ურთიერთობა და ოკუპაციაზე პასუხი საქართველოსთვის უაღრესად მნიშვნელოვანი საკითხებია, რის გამოც დავით ზალკალიანმა აღნიშნული თანამდებობა უნდა დაიკავოს.
„განსაკუთრებით დღეს, როცა რეგიონში ძალიან საინტერესო მოვლენები ვითარდება, ჩვენთვის კიდევ უფრო მნიშვნელოვანი ხდება საერთაშორისო პარტნიორებთან ურთიერთობა, ასევე 2024 წელს ევროკავშირის წევრობაზე განაცხადის გაკეთება, რა თქმა უნდა ნატო-ში შემდგომი ინტეგრაცია და პასუხი ოკუპაციაზე, ამიტომ აბსოლუტურად ლოგიკურია, რომ საქართველოს კიდევ ერთი ვიცე-პრემიერი იქნება საგარეო საქმეთა მინისტრი დავით ზალკალიანი“, - აღნიშნა გიორგი გახარიამ.
👉 ინფორმაციისთვის, საქართველოს პირველი ვიცე-პრემიერი ეკონომიკურ საკითხებში, რეგიონული განვითარებისა და ინფრასტრუქტურის მინისტრი მაია ცქიტიშვილია.
