აჭარაში 19 ოქტომბრიდან ტრანსპორტის მოძრაობა აღდგება
1602754557
აჭარაში 19 ოქტომბრიდან საზოგადოებრივი, მათ შორის საქალაქთაშორისო ტრანსპორტის მოძრაობა აღდგება. ამის შესახებ პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე განაცხადა.
მისი თქმით, აჭარაში შეზღუდვები რჩება სასწავლო პროცესზე. შეზღუდვები იმოქმედებს რესტორნებსა და გასართობი ცენტრების მიმართ.
ინფორმაციისთვის, კორონავირუსის შემთხვევების მატების გამო, აჭარაში ტრანსპორტის მოძრაობა 26 სექტემბრიდან შეიზღუდა.
25 სექტემბრიდან კი, რესტორნები 22:00 საათიდან აღარ მუშაობენ.
