ქედის მუნიციპალიტეტში პროგრამა „მარტოხელა არამობილური ხანდაზმულებისთვის შინ მოვლის სერვისების უზრუნველყოფა“ დახმარების ეროვნული ფონდთან (#NAF) ურთიერთთანამშრომლობით ხორციელდება. ამის შესახებ ინფორმაციას ქედის მერიის პრესსამსახური ავრცელებს.
მათივე ცნობით, პროგრამის ფარგლებში, სერვისით მოსარგებლე ბენეფიციარებს მოხალისეებმა სააღდგომო ნობათები გადასცეს და გიორგობის დღესასწაული მიულოცეს.
ინფორმაციისთვის, პროგრამაში ამ ეტაპზე 10 ბენეფიციარია ჩართული, თუმცა, უახლოეს პერიოდში დაგეგმილია როგორც პროგრამით მოსარგებლეთა რაოდენობის ზრდა, ასევე ახალი სერვისების დამატება.