2 აბიტურიენტი გამოცდაზე მაღალი ტემპერატურის გამო არ დაუშვეს
1594021086
ქართული ენისა და ლიტერატურის გამოცდის პირველ სესიაზე აბიტურიენტების 93% გამოცხადდა, მათგან 2 ახალგაზრდა გამოცდაზე მაღალი ტემპერატურის, ხოლო 2 დაგვიანების გამო, არ დაუშვეს.
მათ ტემპერატურა 38 გრადუსამდე დაუფიქსირდათ და რადგანაც „პისიარ" ტესტი წინასწარ ჩატარებული არ ჰქონდათ, გამოცდის დაწერის უფლება არ მისცეს.
ქართულ ენასა და ლიტერატურაში გამოცდა უკვე 2 საათზე მეტია მიმდინარეობს. გამოცდიდან გამოსული აბიტურიენტების თქმით, მასალა საკმაოდ ადვილი იყო და ერთადერთ დისკომფორტს მხოლოდ გამორთული კონდენციონერი წარმოადგენდა.
ეროვნული გამოცდები ქვეყანაში 25 ივლისამდე გაგრძელდება.
