საზოგადოება

„განხეთქილებაზე საუბარი ისმის და ეჭვს იწვევს, ვინმეს გენერალურ გეგმას ხომ არ წარმოადგენს ეკლესიაში მსგავსი პროცესის დაწყება“ - ანდრია ჯაღმაიძე

საპატრიარქოს
პრესსამსახურის უფროსი
1617874239
დაკოპირებულია

საპატრიარქოს საზოგადოებასთან ურთიერთობის პრესსამსახურის, დეკანოზ ანდრია ჯაღმაიძის თქმით, დღეს საპატრიარქოში მღვდელმთავართა კრებაზე აქტუალურ საკითხთა შორის ჭყონდიდის ეპარქიაში განვითარებული მოვლენების შესახებაც იმსჯელებენ. 

დეკანოზის თქმით, უპრეცედენტო რამ მოხდა, როდესაც ეპისკოპოსის მიერ გაგზავნილი სასულიერო პირი მსახურებისთვის არ შეუშვეს ეკლესიაში.

დეკანოზ ჯაღმაიძის თქმით, ეს არის ძალიან უხეში დარღვევა და ამას ვერ იმართლებს ის, რომ ისინი არ ეთანხმებიან მღვდელმთავრის მიერ მიღებულ გადაწყვეტილებას.

ჯაღმაიძის თქმით, აღნიშნულს თავისი პროცედურა აქვს და სააპელაციო გარჩევას ითვალისწინებს.

„დღეს საპატრიარქოში მღვდელმთავრები შეიკრიბებიან. ეს არ არის უჩვეულო შეკრება და პირველი პრეცედენტი. პერიოდულად ასეთი შეხვედრები იმართებოდა, თუმცა ეს შეხვედრა უფრო გაფართოებული იქნება. შეხვედრაზე დრო დაეთმობა მიმდინარე მოვლენების განსჯას, მღვდელმთავრები იმსჯელებენ მათ შორის ჭყონდიდის ეპარქიაში ბოლო დროს განვითარებულ მოვლენებზე.

ვიცით, რომ მამა გრიგოლი, რომელიც მეუფე სტეფანემ მსახურებისათვის მიავლინა ერთ-ერთ ტაძარში, არ შეუშვეს ტაძარში. ჩვენთვის ცნობილი გახდა, რომ სასულიერო პირები, რომლებსაც მღვდელმთავარმა შეუწყვიტა მღვდელმსახურება, მათ მაინც იმსახურეს. ეს არის უხეში დარღვევა და ელემენტარული ცოდნა სჭირდება იმას, რომ თუკი მათ აპელაციაზე საჩივარი შემოაქვთ, მანამ სანამ აპელაციის შედეგი არ დადგება უნდა დაემორჩილონ მღვდელმთავრის გადაწყვეტილებას.

ეს კიდევ ერთი დარღვევაა, როდესაც მღვდელმთავრის გადაწყვეტილებას უგულებელყოფს სასულიერო პირი. დღეს შედეგებსა და გადაწყვეტილებებს არ უნდა ველოდოთ, დღეს იქნება განხილვისა და მსჯელობის გარემო, ეპისკოპოსები იმსჯელებენ, შეაფასებენ, გადაწყვეტილებები დღეს მიღებული არ იქნება. კრიტიკოსების მხრიდან ისმის მინიშნებები საეკლესიო განხეთქილებაზე, უნდა იცოდეთ, რომ ეს არის ძალიან მძიმე შემთხვევა ეკლესიაში, სადაც კი მომხდარა ასეთი რამე და ძალიან სამწუხაროა, რომ ერთი და იგივე ხალხი თავდაპირველად საუბრობდნენ განხეთქილების საშიშროებაზე, უკრაინის ავტოკეფალიასთან საქართველოს პოზიციაზე დამოკიდებულებით. ამბობდნენ, რომ „ გააჩნია რა პოზიციას დაიკავებს სინოდი“.

ახლა სხვა თემა არსებობს და კვლავ ისმის განხეთქილების შესახებ საუბარი და ეჭვს იწვევს ვინმეს გენერალურ გეგმას ხომ არ წარმოადგენს საქართველოს ეკლესიაში მსგავსი პროცესის დაწყება და ხომ არ ხდება ისე, რომ ეძებენ საშუალებას, თემასა და მიზეზს, რომ როგორღაც ეს პროცესი დაიძრას“,, - აცხადებს დეკანოზი.

ჟურნალისტის კითხვაზე ვის გულისხმობს და ვინ შეიძლება ამის უკან იდგეს, ანდრია ჯაღმაიძე აცხადებს, რომ ვერავის დაასახელებს.

ახალმა მიტროპოლიტმა 4 სასულიერო პირს ჩამოართვა მღვდელმოქმედების უფლება, მამა ათინოგენეს კი - არქიმანდრიტის ხარისხი. მისივე ბრძანებით, მარტვილის წმინდა ნინოს სახელობის დედათა მონასტრიდან გარიცხეს მოინაზონი სოსანა და მორჩილი ნინო გამყრელიძე.

თეოლოგთა შეფასებით, ბოლო დროს ეკლესიაში განვითარებული მოვლენები ეწინააღმდეგება მართლმადიდებლური ეკლესიის კანონიკურ სამართალს.

ამავე თემაზე:

✔️ მამა ანდრია სარია: რა ვერდიქტს გამოიტანენ ჩემ მიმართ, ეს ჭყონდიდის ეპარქიაში რეალობას ვერ შეცვლის

✔️ მეუფე გრიგოლი: არ უნდა დავუშვათ, რომ ეკლესია გაიხლიჩოს

კონფლიქტოლოგი

„ზელენსკის მოქმედება მშვენიერი ილუსტრაცი...

„თავის დროზე, ზელენსკიმ თამამად განაცხადა, რომ რუსეთისგან ეს პროვოკაცია კუნთების თამაში იყო და როგორც ჩანს, რუსეთი ამჯერად ამით შემოიფარგლა. ეს, რა თქმა უნდა, დასასრული არ არის, რადგან შესაძლოა, კიდევ გაგრძელდეს სხვადასხვა ეტაპზე, სანამ რუსეთი თავისას არ მიაღწევს და უკრაინას არ აიძულებს, ხელი მოაწეროს დონბასთან ისეთ ხელშეკრულებას, რომელიც მას აწყობს“, - ასე აფასებს კონფლიქტოლოგი პაატა ზაქარეიშვილი უკრაინის საზღვართან რუსეთის ჯარების დიდი მასშტაბით განლაგების საკითხს.

„გირჩის“ წევრის ვახო მეგრელიშვილის განცხადებით, პოლიტიკურმა პარტიებმა ყველაფერი გააკეთეს კრიზისის დასრულებისთვის და თუ „ნაციონალური მოძარობის“ თავმჯდომარეს ნიკა მელიას ამნისტიით ციხიდან გამოსვლა არ სურს, საპატიმროში დარჩეს.

1619178414

პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე საქართველოში იაპონიის საგანგებო და სრულუფლებიან ელჩს, იმამურა აკირას შეხვდა, - ამის შესახებ ინფორმაციას საქართველოს პარლამენტი ავრცელებს.

1619178031

დაავადებათა კონტროლის ეროვნული ცენტრის ხელმძღვანელი ამირან გამყრელიძე აღნიშნავს, რომ თუ წესების დაცვით ჩავატარებთ სააღდგომო დღესასწაულს, შარშანდელის მსგავსად ეპიდაფეთქებას ავარიდებთ თავს.

1619177604

აშშ-ის სახელმწიფო დეპარტამენტის წარმომადგენელმა ნედ პრაისმა განაცხადა, რომ აშშ რუსეთის მიერ უკრაინის საზღვრებიდან ჯარის უკან დაბრუნების პროცესს ყურადღებით დააკვირდება. ამის შესახებ „უნიანი“ იუწყება.

1619177584
ლევან იზორია ნორბერტ
როტგენს შეხვდა

ლევან იზორია ნორბერტ როტგენს შეხვდა

მიმდინარე წლის 22 აპრილს საქართველოს ელჩმა ლევან იზორიამ შეხვედრა გამართა ბუნდესტაგის საგარეო კომიტეტის თავმჯდომარესთან ნორბერტ როტგენთან. შეხვედრისას განხილულ იქნა საქართველოში მიმდინარე პოლიტიკური პროცესები და ევროკავშირის მედიაციით პოლიტიკურ პარტიებს შორის მიღწეული შეთანხმება, - ამის შესახებ ინფორმაციას საგარეო საქმეთა სამინისტროს პრესსამსახური ავრცელებს.

1619174328
„ივლისისთვის აცრის ყოველდღიური მაჩვენებე...

დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, კოვიდვაქცინაციის პროცესი უფრო აქტიური უნდა გახდეს, რადგან ამ ტემპით ვაქცინაცია საკმარისი არ არის.

დავით მათიკაშვილი: ამნისტიის აქტის აუცილ...

„პროკურატურის მხრიდან იყო სრული შესაძლებლობა ნიკა მელიასთვის მიცემული, რომ მას ეს გირაო გადაეხადა და გამობრძანებულიყო ციხიდან“, - ამის შესახებ საპარლამენტო უმრავლესობის წევრმა დავით მათიკაშვილმა საინფორმაციო სააგენტო PIA.GE-სთან საუბარში განაცხადა.

ე.წ. სამხრეთ ოსეთში აუფეთქებელი ჭურვები...

ე.წ. სამხრეთ ოსეთის ზნაურის რაიონში 63 ერთეული აუფეთქებელი საარტილერიო ჭურვი აღმოაჩინეს. ამის შესახებ „სპუტნიკი“ იუწყება.