კორონავირუსის გამო თბილისში 42 ბაღია დახურული.
ბაღების დახურვის მიზეზი პერსონალისა და აღსაზრდელების კორონავირუსით ინფიცირების შემთხვევები გახდა.
როგორც თბილისის საჯარო ბაგა-ბაღების მართვის სააგენტოს ხელმძღვანელი კახა გვანცელაძე აცხადებს, ჯამში ვირუსი 42 პირს აქვს დადასტურებული, მათგან 8 ბავშვია.
შეგახსენებთ, ქვეყანაში კოვიდინფიცირების პირველი შემთხვევა მიმდინარე წლის 26 თებერვალს დადასტურდა.
ამჟამად ქვეყანაში კორონავირუსით ინფიცირების 18 663 შემთხვევაა დადასტურებული, 8 338 ადამიანი გამოჯანმრთელდა, 143 პაციენტი კი გარდაიცვალა.