რა თანმიმდევრობით მოიხსნება შეზღუდვები და როდის
1587751993
საქართველოში ეკონომიკურ საქმიანობებზე შეზღუდვები 6 ეტაპად მოიხსნება. ეტაპებს შორის შუალედი საშუალოდ 2 კვირა იქნება.
როგორც მთავრობის ადმინისტრაციაში განმარტავენ, ყოველ მომდევნო ეტაპზე გადასვლა მოხდება ეპიდემიოლოგიური ვითარების ანალიზის საფუძველზე.
I ეტაპი - 27 აპრილიდან
- მსუბუქი ავტოსატრანსპორტო საშუალებებით გადაადგილება
- ტაქსების ოპერირება
- ონლაინ ვაჭრობა სრულად (საბითუმო და საცალო)
- მიტანის მომსახურება ნებისმიერ პროდუქტზე
- ღია ტიპის აგრარული ბაზრების საქმიანობა
P.S. დაიშვება მხოლოდ შესაბამისი წესების დაცვით
II ეტაპი - 11 მაისიდან
- მშენებლობა
- სამშენებლო ზედამხედველობასთან დაკავშირებული საქმიანობა
- სამშენებლო მასალების წარმოება
- ავტო-სამრეცხაოები და ავტო-სერვისები (სრულად)
- კომპიუტერების, პირადი და საყოფაცხოვრებო საქონლის რემონტი
- სარეკრეაციო ზონების ფუნქციონირება
III ეტაპი - 25 მაისიდან
- საცალო და საბითუმო მაღაზიები (გარდა მოლებისა), რომლებსაც გააჩნიათ დამოუკიდებელი შესასვლელი ქუჩიდან
- ყველა ტიპის ღია ბაზრობა
- ყველა ტიპის წარმოება
- საგამომცემლო საქმიანობა
IV ეტაპი - 8 ივნისიდან
- სავაჭრო მოლები
- ღია ტიპის რესტორნები/კვების ობიექტები (ადგილზე მომსახურებით)
- ყველა ტიპის საფინანსო მომსახურება
- სილამაზის სალონები და ესთეტიკური მედიცინის ცენტრები
V ეტაპი - 22 ივნისიდან
- დახურული ტიპის ბაზრები და ბაზრობები
- ყველა ტიპის რესტორნები / კვების ობიექტები (ადგილზე მომსახურებით)
VI ეტაპი - 6 ივლისიდან
- გასართობი, სპორტულ - გამაჯანსაღებელი, შემოქმედებითი საქმიანობა
- აზარტული და სხვა მომგებიანი სათამაშო ბიზნესი
- სასტუმროები
- საგანმანათლებლო დაწესებულებები
- ყველა სხვა საქმიანობა (არადისტანციურ რეჟიმში)
ეპიდემიოლოგიური ვითარების გაუარესების შემთხვევაში, გაუქმებული შეზღუდვები ხელახლა ამოქმედდება ან მომდევნო ეტაპზე გადასვლა გადავადდება.
