საბერძნეთში საქართველოს მოქალაქე დაიღუპა
1592986781
საბერძნეთში, ქალაქ სალონიკში საქართველოს მოქალაქე დაიღუპა.
როგორც PIA.GE-ს საქართველოს საგარეო უწყებაში განუცხადეს, სალონკში საქართველოს საკონსულომ ოფიციალური შეტყობინება მიიღო აღნიშნული ფაქტის შესახებ.
„ისინი მუდმივ კონტაქტზე არიან როგორც ადგილობრივ სამართალდამცავებთან, ასევე ოჯახის წევრებთან. მიმდინარეობს მოკვლევა“, - აცხადებენ საგარეო საქმეთა სამინისტროში.
ცნობისთვის, საქართველოს მოქალაქის დაღუპვის შესახებ ინფორმაცია ბერძნულმა მედიამ გაავრცელა. მათივე ინფორმაციით, ახალგაზრდა ქალი ხანძრის შედეგად დაიღუპა. ადგილზე მისულ პოლიციას ქალი გარდაცვლილი დახვდა. შემთხვევის შესახებ სხვა დამატებითი დეტალები ამ ეტაპზე უცნობია.
