თბილისში საბაგიროს ორი ახალი ხაზი გაიხსნება
1594193637
თბილისის მერიის გადაწყვეტილებით, დედაქალაში ორი ახალი საბაგირო ხაზი გაიხსნება. ამის შესახებ თბილისის მერმა მუნიციპალიტეტის მთავრობის სხდომაზე განაცხადა.
ახალი ხაზები სამგორი-ვაზისუბნისა და სარაჯიშვილი-ზღვისუბნის მიმართულებებზე აშენდება.
„ახალი ხაზებიდან პირველად სამგორი-ვაზისუბნის პროექტი შესრულდება. მისთვის გამოყოფილი თანხები უკვე 30 მლნ ევროს შეადგენს. ახალი საბაგირო დაახლოებით 40 000 მგზავრს ვაზისუბანთან დააკავშირებს, რაც სატრანსპორტო მოძრაობას განტვირთავს",- აღნიშნა კახა კალაძემ.
საბაგიროები სამგორისა და სარაჯიშვილის მეტროების მიმდებარე ტერიტორიებზე განთავსდება. მერის განცხადებით, სარაჯიშვილი-ზღვისუბნის ხაზისთვის თემქის ხევის რეაბილიტაცია განხორციელდება.
საბაგიროების პროექტირებისა და მშენებლობის ხარჯები, მთავრობის შუამდგომლობით, საფრანგეთის განვითარების სააგენტოს მიერ, სასესხო ხელშეკრულების საფუძველზე დაფინანსდება.
