თეატრებისა და კინოთეატრების გახსნა 1 თვით გადაიდო
1599638857
თეატრებისა და კინოთეატრების გახსნა 1 თვით გადაიდო. ამის შესახებ მთავრობის ადმინისტრაციის ხელმძღვანელმა ნათია მეზვრიშვილმა განაცხადა.
„ეპიდემიოლოგიური ვითარების გათვალისწინებით გადაიდო 1 თვით, შესაბამისად კინოები და თეატრები, როგორც ბავშვთა გასართობი ცენტრები გაიხსნება პირველი ნოემბრიდან“, - განაცხადა მეზვრიშვილმა.
ინფორმაციისთვის, 9 სექტემბერს საქართველოში კოვიდინფიცირების 44 ახალი შემთხვევა დადასტურდა, გამოჯანმრთელდა 4 ადამიანი. ქვეყანაში ვირუსით ინფიცირების პირველი შემთხვევა 26 თებერვალს დადასტურდა.
