საქართველოს რაგბის ეროვნულმა ნაკრებმა რუმინეთი დაამარცხა და „რაგბი ევროპის“ ჩემპიონი გახდა.
შეხვედრის პირველი ტაიმი ქართველებმა ანგარიშით 13-7 დაასრულეს, საბოლოოდ კი ბორჯღალოსნებმა ტრადიციულ მეტოქეს ანგარიშით 28-17 სძლიეს.
ამ გამარჯვებით ბორჯღალოსნებმა ანთიმოზ ივერიელის სახელობის თასი შეინარჩუნეს.
შეგახსენებთ, რომ საქართველოს რაგბის ეროვნულ ნაკრებს რუმინეთთან სულ 23 შეხვედრა აქვს გამართული, საიდანაც 14 ქართველების გამარჯვებით დასრულდა.