ამერიკის შეერთებული შტატები ჩეჩნეთის ლიდერის რამზან კადიროვის წინააღმდეგ სანქციებს აწესებს. ამის შესახებ აშშ-ის სახელმწიფო მდივნის მაიკ პომპეოს მიერ გავრცელებულ განცხადებაშია ნათქვამი.
„დღეს სახელმწიფო დეპარტამენტი სანქციებს აწესებს ჩეჩნეთის რესპუბლიკის ხელმძღვანელის რამზან კადიროვის წინააღმდეგ, რუსეთის ფედერაციის შემადგენლობაში“, - აღნიშნულია დოკუმენტში.
როგორც განცხადებაშია ნათქვამი, რამზან კადიროვი ჩეჩნეთში ადამიანის უფლებების უხეშ დარღვევაში მონაწილეობს, რაც სანქციების დაწესების მიზეზი გახდა.