აშშ ლუკაშენკოს ბელარუსის პრეზიდენტად არ ცნობს
1600928694
აშშ-ის სახელმწიფო დეპარტამენტი ალექსანდრე ლუკაშენკოს ბელარუსის პრეზიდენტის პოზიციაზე არ ცნობს.
„9 აგვისტოს ბელარუსში ჩატარებული არჩევნები არც თავისუფალი იყო და არც სამართლიანი. შედეგები - ფალსიფიცირებული და არალეგიტიმური“ - ნათქვამია აშშ-ის სახელმწიფო დეპარტამენტის განცხადებაში.
სახელმწიფო დეპარტამენტი აღნიშნავს რომ „აშშ არ ცნობს ალექსანდრე ლუკაშენკოს ბელარუსი კანონიერად არჩეულ პრეზიდენტად“.
ცნობისთვის, ბელარუსში 9 აგვისტოს არჩევნების შემდეგ ოპოზიციის საპროტესტო აქციები გრძელდება. რამდენიმე დღის წინ ევროპარლამენტმა მიიღო რეზოლუცია, რომელშიც ასევე არ ცნობს საპრეზიდენტო არჩევნების შედეგებს ბელარუსში. მინსკში ლუკაშენკოს ინაუგურაცია 23 სექტემბერს გაიმართა.
