შეერთებულმა შტატებმა ბელარუსის 43 მოქალაქეს სავიზო შეზღუდვები დაუწესა.
აშშ-ს „შავ სიაში“მოხვდნენ სამართალდამცავი ორგანოების წარმომადგენლები, რომლებსაც ბრალი ედებოდა მშვიდობიანი დემონსტრანტების დაკავებასა და ძალადობაში. სიაში არიან მოსამართლეები, პროკურორები და მთავრობის წარმომადგენლები.
მათ აშშ-ს ტერიტორიაზე შესვლა აეკრძალათ. ინფორმაციას Reuters-ი ავრცელებს.
აშშ-ს სახელმწიფო მდივანმა ენტონი ბლინკენმა განაცხადა, რომ შეერთებული შტატები შეშფოთებულია ძალადობრივი დარბევით მომიტინგეების, აქტივისტებისა და ჟურნალისტების მიმართ.
”ჩვენ ბელორუსის მამაცი ხალხის გვერდით ვართ და მხარს ვუჭერთ მათ თავისუფალ და სამართლიან არჩევნებს”, - თქვა მან განცხადებაში.
ინფორმაციისთვის, ბელორუსის სასამართლომ ხუთშაბათს დააპატიმრა ორი ჟურნალისტი ორი წლით, პრეზიდენტ ალექსანდრე ლუკაშენკოს წინააღმდეგ საპროტესტო გამოსვლების ორგანიზების ბრალდებით , ხოლო ვაშინგტონში დაწესებულია სავიზო შეზღუდვები ბელორუსის 43 ჩინოვნიკისთვის, რომლებსაც ადანაშაულებენ დემოკრატიის შელახვაში.