აშშ-ში კორონავირუსის 48 693 ახალი შემთხვევა დადასტურდა
1598079674
პარასკევს, 21 აგვისტოს შეერთებულ შტატებში კორონავირუსის 48 693 ახალი შემთხვევა დადასტურდა. ამის შესახებ ინფორმაციას CNN ავრცელებს.
ასევე, 21 აგვისტოს აშშ-ში კოვიდინფიცირებისგან გარდაიცვალა 1 108 ადამიანი.
ამჟამინდელი მონაცემებით შეერთებულ შტატებში კორონავირუსის 5 622 540 შემთხვევაა დადასტურებული, აქედან 175 363 დაიღუპა.
ინფორმაციისთვის, კორონავირუსი პანდემიად მიმდინარე წლის 11 მარტს გამოცხადდა. მსოფლიოში კორონავირუსით დაავადებულთა რიცხვმა კი 22 მილიონს გადააჭარბა.
